Éxodo 33:11 - DIOSPA QHELQACHISQ

¹¹ Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Qheshwa Biblia DC

¹¹ Chaypi Señorqa uyapura Moiseswan parlaj, imaynatachus pipis kausaqenwan parlarikun ajina. Parlaytawantaj Moisesqa jaraman kutimoj. Numpa wawan Josuetaj yanapajnin wayna nipuni jayk'ajpis Dioswan tinkukuna toldomanta t'aqakojchu, chay ukhullapipuni kaj.

DIOSPA QHELQACHISQAN DEUTEROCANONICAL

¹¹ Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Éxodo 33:11 Referans Kwoze

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Deuteronomio 34:10

Chaymantaqa manaña jayk'ajpis Israelpi, Moisés jina ujwan Diosmanta sut'inchaj karqachu. Nillataj pay jina Tata Dioswan uyapura parlajqa karqañachu.

Éxodo 33:9

Toldoman Moisés yaykojtinkamataj, sayashaj chhoqo phuyu urayk'amuspa, toldoj punkunpi sayaj. Chantá chaypi Tata Diosqa Moiseswan parlaj karqa.

Éxodo 24:13

Chantá Moisesqa yanapajnin Josuewan khuska Diospa orqonman wicharerqa.

Deuteronomio 5:4

Tata Diosqa orqopi nina chawpimanta pay kikinpuni parlamusorqachej.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Santiago 2:23

Ajinamanta Diospa Qhelqachisqanpi imatachus nisqan junt'akorqa: Abrahamqa Diospi atinikuspa nisqanmanta jap'ikorqa, chay jap'ikusqanraykutaj Diosqa Abrahamta cheqan runapaj qhawarqa, nispa. Ajinamanta Diosqa Abrahamta kawsaqenpaj rejsikaporqa.

San Juan 11:11

Chayta niytawantaj, Jesús yachachisqankunaman nillarqataj: Lázaro kawsaqenchejqa puñushan, noqataj payta rijch'arichimoj risaj, nispa.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Job 16:21

Tata Dioswan siminakuyta munayman, imaynatachus runa masiywan siminakuni, ajinata.

2 Crónicas 20:7

Diosniyku, qanqa aylluyki Israelpa ñawpaqenmanta kay suyupi tiyakojkunata wijch'orqanki. Wiñaypajtaj kay suyuta Abraham kawsaqeykej mirayninman qoporqanki.

Éxodo 32:17

Chantá Josueqa israelitakunaj ch'ajwasqankuta uyarispa, Moisesta nerqa: Maqanakuspapis ch'ajwashankuman jina jaramanta uyarikamushan, nispa.

Éxodo 17:9

Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

Éxodo 33:10

Dioswan tantakuna toldo punkupi phuyuta sayashasqanta rikuspataj, tukuy israelitakuna toldonku punkupi pampakama k'umuykuspa, Diosta yupaychaj kanku.

Números 11:28

Chantá Nunpata churin Josué, pichus waynamantapacha Moisesta yanapaspa karqa, chay, Moisesta nerqa: Wiraqochiy Moisés, Diosmanta sut'inchanankuta ama saqeychu ari, nispa.

Números 12:7

Kamachiy Moiseswanrí, mana jinatachu parlani, imajtinchus payqa tukuy kamachiykunamanta nisqaqa aswan kasukojmin.

Deuteronomio 31:14

Chantá Tata Diosqa Moisesta nillarqataj: Wañupunayki qayllallapiña kashan. Ajinaqa Josueta wajyay, chantá iskayniykichej Dioswan Tinkukuna Toldoj pationpi suyawaychej. Noqataj payman imatachus ruwananta kamachisaj, nispa. Chantá Moiseswan, Josuewan ima Dioswan Tinkukuna Toldoman rerqanku.