Éxodo 32:34 - DIOSPA QHELQACHISQ

³⁴ Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Qheshwa Biblia DC

³⁴ Kunanqa rispa israelitasta pusay, maymanchus noqa pusay nerqayki chayman. Chaymantaj noqaj angelniy pusasonqa. Mayk'ajchus jasut'iy p'unchay chayamonqa, chaypacha noqa juchasninkumanta jasut'isaj paykunata.

DIOSPA QHELQACHISQAN DEUTEROCANONICAL

³⁴ Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Éxodo 32:34 Referans Kwoze

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Éxodo 23:20

Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

San Mateo 23:35

Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

Amós 3:14

Maypachachus Israelta juchallisqanmanta cuentata mañasaj chaypacha, Betelpi tukuy altarkunata phirisaj. Chay altarkunaj wajrankunapis sik'isqa kaspa, pampaman urmanqanku.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 5:9

Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Salmos 99:8

Tata Diosniyku, qan paykunaj mañakusqankuta uyarej kanki, jinataj paykunaj juchankuta pampachaj Diosmin karqanki. Chaywanpis millayta ruwasqankuman jina paykunata jasut'erqanki.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Éxodo 33:2

Noqataj angelniyta kachamusaj qanta pusasunanpaj. Chantá cananeokunata, amorreokunata, jititakunata, ferezeokunata, heveokunata, jebuseokunata ima kay jallp'amanta qharqosaj.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Éxodo 15:17

Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Éxodo 33:12

Chantá Moisés Tata Diosta nerqa: Qan niwarqanki: Israelitakunata qan pusay, nispa. Chaywanpis mana niwankichu noqawan rinanpaj pitachus kachamunawaykita. Jinallataj niwarqanki noqapi sumajta atinikusqaykita, khuyarikunawaykipajtaj sonqoyki kasqanta.

Jeremías 23:2

Chayrayku Israelpa Tata Diosnin nillantaj: Aylluyta michejkuna, qankunaqa ovejaykunata ch'eqeracherqankichej, ayqeracherqankichejtaj, manataj allintachu qhawarqankichej. Chayrayku noqapis millayta ruwasqaykichejmanta jasut'isqaykichej. Noqa Tata Diosmin chayta nini.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.