Éxodo 32:11 - DIOSPA QHELQACHISQ

¹¹ Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Qheshwa Biblia DC

¹¹ Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

DIOSPA QHELQACHISQAN DEUTEROCANONICAL

¹¹ Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Éxodo 32:11 Referans Kwoze

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Isaías 63:17

Imajtintaj, Tata Dios, ñanniykikunamanta pantanaykuta saqenkiri? Imaraykutaj sonqoykuta rumiyachiwaykuri, amaña qanta jatun respetowan qhawasunaykupajri? Noqayku kamachiykikunata munakusqaykirayku qhawarimuwayku. Noqayku chayaqeyki aylluykimantaj kutirikamuwayku.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 11:11

Chantá Moisesqa Tata Diosta nerqa: Imaraykutaj noqa kamachiykita mana allinta ruwawankiri? Imaraykutaj mana yanapawankichuri? Imaraykutaj kay runakunata noqaman wijch'uykuwankiri?

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Números 14:13

Moisestajrí Tata Diosta nerqa: Tata Dios, qanmin israelitakunata atiyniykiwan Egiptomanta orqhomorqanki. Egipto llajtayojkunarí israelitakunata imatachus ruwasqaykita yachaspa,

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Reyes 8:51

Chayta ruwanki, imaraykuchus paykunaqa aylluyki kanku, chayaqeykitaj. Paykunataqa Egiptomanta, fierro unuyachina hornomanta jina orqhomorqanki.

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Génesis 18:27

Chantá Abraham Tata Diosta ujtawan nillarqataj: Qanqa Diosmin kanki, noqataj mana ni imachu kani. Chaywanpis ama jina kaspa, mañakusqayta uyariway ari.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 8:8

8 (4) Chantá faraón Moisesta, Aarontawan ima wajyachispa, nerqa: Tata Diosmanta mañaychej ari, noqamanta, runaykunamantawan k'aylankulakunata chinkachinanpaj. Noqataj israelitakuna rinankuta saqesaj, rispa uywa ñak'asqa q'olachikunata Tata Diosman jaywamunankupaj, nispa.

Números 21:7

Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

Números 27:4

Mana qhari wawayoj kasqanrayku, ayllunmanta tataykoj sutin chinkapunman, chaytaj mana allinchu kanman. Chayrayku noqaykuman tataykoj wawqenkunaj jallp'anku ukhupi jallp'ata qowayku ari, nispa.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.