Éxodo 30:8 - DIOSPA QHELQACHISQ

⁸ Jinallataj Aaronqa inti yaykuykuyta, lamparakunata jap'ichishaspa, inciensota q'oshñichillanqataj. Ajinata Aarón, jinataj churinkukunapis Tata Diospa ñawpaqenpi, wiñaypaj ruwallanqanku.

Qheshwa Biblia DC

⁸ Jinallataj ch'isiyaykuytapis k'anchachinasta jap'ichiytawan inciensota ruphachillanqataj. Kaytaqa Señorpa ñaupaqempi ruwanqankupuni, jinallataj qhepaman wiñaypaj mirayniykichej kajkunapis.

DIOSPA QHELQACHISQAN DEUTEROCANONICAL

⁸ Jinallataj Aaronqa inti yaykuykuyta, lamparakunata jap'ichishaspa, inciensota q'oshñichillanqataj. Ajinata Aarón, jinataj churinkukunapis Tata Diospa ñawpaqenpi, wiñaypaj ruwallanqanku.

Éxodo 30:8 Referans Kwoze

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

1 Tesalonicenses 5:17

Chantá mana sayk'uspa, Dioswan parlarikullaychejpuni.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Éxodo 30:7

Aaronqa altar patapi ima munayta q'apashaj inciensota q'oshñichenqa. Chaytaqa sapa paqarin lamparakunata jap'ichinapaj wakichishaspa ruwanqa.

Éxodo 30:9

Chay altar patapeqa amapuni waj jina inciensota q'oshñichinkichejchu, ni uywa ñak'asqa q'olachinata, ni ch'aki mikhuy jaywanata, nillataj vinota jich'aspapis jaywankichejchu.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.

2 Crónicas 26:18

Paykunaqa kuraj kamachejman sayaykuspataj, nerqanku: Kuraj kamachej Uzías, Tata Diosman inciensota q'oshñichinaqa mana qanpa ruwanaykichu kashan. Chayqa Aaronpa ayllunmanta kajkuna sacerdotekunaj ruwanankumin. Paykunaqa chayta ruwanankupaj t'aqasqa kanku. Qanqa llojsiy Diospaj T'aqasqa, kay cheqamanta, imaraykuchus qanqa Tata Diospa contranpi juchallinki. Chayrayku Tata Diosqa mana allinpajchu qhawasonqa, nispa.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Éxodo 25:37

Ruwallankitaj qanchis lamparakunata, chaykunatataj jap'ichispa, ñawpajman jina k'anchanankupaj churanki.