Éxodo 30:34 - DIOSPA QHELQACHISQ

³⁴ Chantá Tata Dios Moisesta nillarqataj: Sumaj k'achituta q'apashaj imakunata tantay: Mirra sutiyoj sach'aj waqayninta, yakupi kawsaj ch'uroj waqayninta, gálbano sach'aj waqayninta, chantá sumajnin kaj inciensotawan ima. Sapa ujta chhikakama tantanki.

Qheshwa Biblia DC

³⁴ Chanta Señorqa Moisesman nillarqataj: Sumajta q'apashaj imasta tantay: Resinata, q'apaj clavota, ch'uwa inciensota, q'apashaj galbanotawan.

DIOSPA QHELQACHISQAN DEUTEROCANONICAL

³⁴ Chantá Tata Dios Moisesta nillarqataj: Sumaj k'achituta q'apashaj imakunata tantay: Mirra sutiyoj sach'aj waqayninta, yakupi kawsaj ch'uroj waqayninta, gálbano sach'aj waqayninta, chantá sumajnin kaj inciensotawan ima. Sapa ujta chhikakama tantanki.

Éxodo 30:34 Referans Kwoze

Éxodo 37:29

Chaymantataj Besalelqa Diospaj t'aqanapaj jawina aceiteta ruwarqa. Jinallataj k'achituta q'apaj inciensotapis ruwallarqataj, imaynatachus sumaj q'apashaj jawinata ruwajkuna ruwanku, ajinata.

Levítico 2:15

Diosman jaywanamanqa aceiteta jich'anki, inciensotataj patanman churanki, imajtinchus chayqa Tata Diospaj ch'aki mikhuy jaywanamin.

Éxodo 30:23

Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

Éxodo 25:6

k'anchachinapaj aceiteta, jawina aceitepaj inciensopajwan ima sumajta q'apashaj imakunata.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

Nehemías 13:5

payman uj jatun wasita qosqa, maypichus ñawpajtaqa jallch'aj kanku Diosman jaywasqata, inciensota, imawanchus Diosta yupaychaj kanku, chay imakunata, sapa chunkamanta ujta t'aqaj kanku, chaytapis granomanta, vinomanta, aceitemantawan. Chay tukoyqa karqa levitakunapaj, takejkunapaj, punku qhawajkunapaj, sacerdotekunapaj ima.

Levítico 24:7

Sapa sinrumantaj mana chhapusqa inciensota churanki, chay t'antata sumajta q'aparichinanpaj. Jinaspataj inciensota Tata Diospa sutinpi q'olachinki.

Levítico 5:11

Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Levítico 2:1

Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Éxodo 30:35

Chaykunawan sumaj k'achituta q'apashaj inciensota ruwanki, sumaj kachinchasqata, llimphituta, Diospaj t'aqasqa kananpaj jina. Chaytaqa imaynatachus sumaj q'apashaj jawinata ruwayta yachaj ruwan, ajinata ruwanki.

Éxodo 31:11

Jinallataj Diospaj t'aqanapaj jawina aceiteta ruwallanqankutaj, Dioswan Tinkukuna Toldopaj sumaj k'achituta q'apashaj inciensota ima. Paykuna chay tukuy imata ruwanqanku, imaynatachus kamachishayki chayman jina, nispa.

Éxodo 35:15

Chantá inciensota q'oshñichinapaj altarta ruwallanqankutaj, chay altarta wantunapaj k'aspikunata, jawispa t'aqanapaj aceiteta, k'achituta q'apaj inciensota, Dioswan Tinkukuna Toldoman yaykuna punkupi cortinata ima.

Levítico 16:12

Chaymantaqa incienso q'oshñichinata jap'ispa, Tata Diospa ñawpaqenpi kashan, chay altarmanta nina k'ajata churanqa. Jinallataj sumaj incienso kutasqamanta iskay pojtuta churaspa, veloj wasanman apanqa.

Números 4:16

Sacerdote Aaronpa churin Eleazar qhawanqa lamparakunapaj aceite ama pisinanmanta. Jinallataj sumaj q'apashaj inciensomanta, ch'aki mikhuy jaywanamanta, Diospaj t'aqanapaj jawina aceitemanta qhawallanqataj. Chantá Dioswan Tinkukuna Toldomanta chaypi tukuy ima kajmanta, chantá Diospaj t'aqasqa imakunatawan qhawallanqataj, nispa.

Isaías 43:23

Mana ovejakunata apamuwarqankichu ñak'aspa q'olachinapaj, nitaj uywa ñak'asqa q'olachinakunawan jatunchawarqankichu. Noqaqa mana sayk'ucherqaykichu, ch'aki mikhuy jaywanata mañasuspa, nitaj mat'iykorqaykichu sapa kuti inciensota q'oshñichinawaykipaj.

Éxodo 30:7

Aaronqa altar patapi ima munayta q'apashaj inciensota q'oshñichenqa. Chaytaqa sapa paqarin lamparakunata jap'ichinapaj wakichishaspa ruwanqa.

Números 7:14

Jinallataj qorimanta ruwasqa uj jatun wisllata qollarqataj inciensowan junt'ata. Chaytaj 110 gramo pesarqa.