Éxodo 30:10 - DIOSPA QHELQACHISQ

¹⁰ Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Qheshwa Biblia DC

¹⁰ Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.

DIOSPA QHELQACHISQAN DEUTEROCANONICAL

¹⁰ Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Éxodo 30:10 Referans Kwoze

Levítico 16:18

Chaymantataj llojsimonqa Tata Diospa ñawpaqenpi kashan, chay altarta llimphuchananpaj. Chantá torillojta, jinallataj chivojtapis uj chhika yawarninta apaspa, chaywan altarpa wajrankunata, chantá altarpa muyuyninta ima jawenqa.

Hebreos 9:25

Kuraj kaj sacerdotekuna sapa wata uywaj yawarnin aparisqa Diosllapaj T'aqasqa Cheqaman yaykoj kanku. Cristorí mana sapa kutichu janaj pachaman yaykorqa jaywana jina pay kikin jaywaykukunanpaj.

Levítico 23:27

Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Apocalipsis 9:13

Chaymantataj sojta kaj angelñataj trompetata waqacherqa. Chantá qorimanta altarpa tawantin kantunmanta uj parlamojta uyarerqani, mayqenchus Diospa ñawpaqenpi kashan, chaymanta.

Éxodo 30:9

Chay altar patapeqa amapuni waj jina inciensota q'oshñichinkichejchu, ni uywa ñak'asqa q'olachinata, ni ch'aki mikhuy jaywanata, nillataj vinota jich'aspapis jaywankichejchu.

Éxodo 30:11

Tata Dios Moiseswan parlaspa, nillarqataj:

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Levítico 16:16

Ajinata Diosta yupaychana cheqata llimphuchanqa israelitakunaj tukuy mana allinta ruwasqankumanta, mana uyarikoj kasqankumanta, juchankumantawan ima. Ajinallatataj Aaronqa Dioswan Tinkukuna Toldotapis llimphuchanqa, ch'ichichakoj israelitakunaj chawpinpi kasqanrayku.

1 Reyes 1:50

Adoniastaj kuraj kamachej Salomonta manchachikuspa, altarpa wajranmanta jap'iykakamorqa.

1 Crónicas 6:49

49 (34) Aaronwan, churinkunawan imarí altar patapi uywata ñak'aspa q'olachej karqanku. Jinataj inciensota q'oshñichina altar patapipis inciensota q'oshñichej karqanku. Jinallataj Diospa kamachin Moisés kamachisqanman jina, Templopi Diosllapaj T'aqasqa nisqa cheqapi imachus ruwanata ruwanankupaj, chantá israelitakunaj juchankurayku uywa ñak'asqata Diosman jaywanankupaj churasqa karqanku.

Levítico 4:7

Chantá sacerdoteqa Tata Diospa ñawpaqenpi, Dioswan Tinkukuna Toldopi inciensota q'oshñichina altarpa wajrankunatapis yawarwan jawillanqataj. Puchoj yawartataj q'olachina altarpa uranman jich'aykonqa, mayqenchus Dioswan Tinkukuna Toldo punkunejpi kashan, chay altarpa uranman.

Levítico 4:18

Chaymantataj Dioswan Tinkukuna Toldopi, Tata Diospa ñawpaqenpi kashaj inciensota q'oshñichina altarpa wajrankunata uj chhika yawarwan jawenqa. Puchoj yawartataj Dioswan Tinkukuna Toldoman yaykuna punkupi q'olachina altarpa uranman jich'anqa.