Éxodo 3:8 - DIOSPA QHELQACHISQ

⁸ Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Qheshwa Biblia DC

⁸ Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

DIOSPA QHELQACHISQAN DEUTEROCANONICAL

⁸ Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 3:8 Referans Kwoze

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Deuteronomio 1:25

Chantá chay jallp'ata qhawaj risqankumanta poqoykunata apamuspa, kay jinata willawarqanchej: Tata Diosninchej jallp'a qowasqanchejqa sumaj jallp'a kasqa, nispa.

Éxodo 13:5

Kay kikin killallataj yuyarikuna raymita Diospaj sapa wata ruwankichej, maypachachus Tata Dios lechewan, abeja misk'iwan purishaj jallp'aman chayachisonqachej, chaypacha. Chay jallp'api kunan tiyakushanku cananeokuna, jeteokuna, amorreokuna, heveokuna, jebuseokuna ima. Jinapis Tata Dios chay jallp'ata ñawpa tataykichejkunaman tiluspa qonanta nerqa.

Jeremías 11:5

Noqa ñawpa tataykichejman tiluspa nerqani: Maypichus lechewan, abeja misk'iwan yaku jina purishan, chay jallp'ata qosqaykichej, nispa. Noqataj nisqayta junt'aspa, chay jallp'ata qorqaykichej, kunantaj qankuna chay jallp'ata jap'ishankichej, nispa Tata Diosqa niwarqa. Noqataj kuticherqani: Tata Dios, chayqa ajinapuni, nispa.

Números 13:27

Chaymantataj Moisesta nerqanku: Noqaykoqa maymanchus kachawasqayku jallp'aman chayarqayku. Chay jallp'apeqa cheqapuni lechewan, abeja misk'iwan ima yaku jina purishan. Rikuychej, má. Kay jinata chay jallp'api poqoj kasqa.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

Ezequiel 20:6

Chay p'unchaypi tiluspa, nillarqanitaj: Egiptomanta orqhospa, qankunata pusasqaykichej, mayqen jallp'atachus qankunapaj ajllarqani, chay jallp'aman. Chay jallp'apeqa lechewan, abeja misk'iwan yaku jina puririshan. Chay jallp'aqa tukuy jallp'amanta aswan sumajmin kashan, nispa.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Salmos 34:8

8 (9) Qhawaychej, yachaychejtaj Tata Dios k'acha kasqanta. Kusikuyniyojmin paypi atinikoj runaqa.

Éxodo 12:51

Chay kikin p'unchayllataj Tata Diosqa israelitakunata t'aqa t'aqapi t'aqasqata Egiptomanta orqhorqa.

Jeremías 32:22

Israel aylluykiman, maypichus lechewan, abeja misk'iwan yaku jina puririshan, chay jallp'ata qorqanki, ñawpa tatankuman nisqaykiman jina.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Deuteronomio 27:3

Chantá chay jallp'aman chayaytawankama, chay rumikunapi kay tukuy kamachisqayta qhelqankichej, maypichus lechewan, abeja misk'iwan yaku jina purishan, chay jallp'api. Chay jallp'ata Tata Diosniykichej ñawpa tataykichejkunaman nisqanman jina qosonqachej.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Génesis 11:5

Tata Diostajrí runakunaj ruwashasqanku llajtata, torretawan qhawarej urayk'amorqa.

San Juan 3:13

Mana pipis janaj pachaman rerqachu, manachayqa Runaj Churillan janaj pachamanta urayk'amorqa.

Isaías 64:1

Tata Dios, sichus janajta llik'ispa, urayk'amuwaj chayqa, qanpa ñawpaqeykipi tukuy orqokuna kharkatinkuman.

Éxodo 34:11

Kunan kamachisusqayta junt'aychej, noqataj ñawpaqeykichejmanta amorreokunata, cananeokunata, jititakunata, ferezeokunata, heveokunata, jebuseokunatawan ima qharqosaj.

Génesis 18:21

Noqa rispa yachamusaj willawasqankuman jinachus ruwasqanku ancha millaypuni kasqanta. Ajinapi yachamusaj, nispa.

Génesis 15:14

Qhepanejmanrí noqa wata runaman tukuchej suyumanta llajtayojkunata ñak'arichisaj, mirayniykitaj chaymanta manchay qhapaj llojsimonqanku.

Nehemías 9:8

Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.

Deuteronomio 28:11

Tata Diosqa ñawpa tataykikunaman nisqanman jina, qosusqan jallp'apiña tiyakushajtiyki, tukuy imawan atipachisonqa: Ashkha wawata qosuspa, uywaykita ashkhata mirachispa, chajraykita sumajta poqochispa ima.

Génesis 11:7

Chayrayku urayk'uspa, parlayninkuta pejturparimunachej ama entiendenakunankupaj, nispa.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Josué 9:1

Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

Deuteronomio 1:7

Kunanqa tukuy imaykichejta oqharikuspa, amorreokunaj orqonkunaman riychej, tukuy muyuyninkupi kaj llajtakunaman ima. Rillaychejtaj Arabaman, orqorara cheqanejman, vallekunaman, Neguevman, mama qocha kantuman, cananeokunaj suyunkuman, Libanoman, chantá Éufrates jatun mayukama ima.

Números 13:19

Chantá llajtanku perqawan muyurisqachus, manachus chaytapis qhawallankichejtaj. Jallp'apis sumajchus manachus, chayta qhawallankichejtaj.

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 46:4

Noqamin qanwan Egiptoman risaj, noqallataj mirayniykita orqhospa, paykunata kayman kutichimusaj. Chantá Egiptopi wañupojtiyki, Joseqa qayllaykipi kanqa ñawiykita wisq'ananpaj, nispa.

Éxodo 5:23

Sutiykipi faraonman parlaj jamusqaymantapacha, payqa Israel aylluykita astawan ñak'arichin. Qantaj aylluykita kacharichinaykipaj mana imatapis ruwankichu, nispa.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Deuteronomio 6:3

Chayrayku ari, israelitakuna, kasukuspa ruwaychej. Uyarikunkichej chayqa, lechewan, abeja misk'iwan yaku jina purishaj chay jallp'api allin risonqachej, ashkhatataj mirankichej, ñawpa tataykichejkunaj Tata Diosnin nisusqanman jina.

Amós 2:10

Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Génesis 43:11

Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Números 13:18

Chantá sumajta qhawankichej imaynachus chay jallp'a kasqanta. Qhawallankichejtaj chaypi tiyakoj runakuna kallpararachus chayrí manachus kanku, chaytawan. Jinallataj ashkhachus chayrí pisillachus kanku, chaytapis qhawallankichejtaj.

Josué 5:6

Israelitakunaqa tawa chunka watata ch'innejta purerqanku. Chaypi Egiptomanta llojsimoj tukuy israelitakuna maqanakuman rinapaj jina llojsimojkuna wañupusqankuña. Chay qharikunaqa Tata Diosta mana kasusqankuchu. Chayrayku Tata Dios tiluspa, nisqa tatankuman qonanta nisqan jallp'ata mana rikunankuta. Chay jallp'a manchay sumaj jallp'a kasqanrayku lechewan chantá abeja misk'iwan yaku jina purishaj jallp'a karqa, nispa.

Josué 9:7

Israelitakunatajrí heveokunaman kuticherqanku: Ichapis qankunaqa kay qayllallamanta kankichej. Imaynatataj qankunawan uj tratota ruwaykumanri? nispa.

1 Crónicas 1:15

heveokuna, araceokuna, sineokuna,

Salmos 12:6

6 (7) Tata Diospa nisqanqa ch'uwa, qanchis kutita ninapi sumaj ch'uwachasqa qolqe metal jina.

Isaías 36:17

Chaymanta qhepaman noqa kay jallp'aykichejman rijch'akoj waj suyuman apachisqaykichej, chaypitaj trigo, uva, vino chantá t'antapis kallantaj.