Éxodo 3:2 - DIOSPA QHELQACHISQ

² Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Qheshwa Biblia DC

² Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

DIOSPA QHELQACHISQAN DEUTEROCANONICAL

² Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Éxodo 3:2 Referans Kwoze

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Marcos 12:26

Wañusqakuna kawsarimuyninmantaqa, manachu ñawirerqankichej Moisespa qhelqasqallanpitaj imatachus Dios lawrashaj t'ankar sach'amanta parlamusqanta? Pay nisqa: Noqaqa Abrahampa Diosnin kani, Isaacpata, Jacobpata ima, nispa.

Deuteronomio 33:16

Jallp'aqa sumaj poqoykunawan junt'a kachun. Lawrashaj t'ankara ukhumanta parlaj Dios payta yanapachun. Chay tukuy ima Joséj jatun ayllunkunapaj kachun. Payqa wawqenkunata kamachinanpaj ajllasqa karqa.

San Lucas 20:37

Mana chayllachu. Moisespis wañusqakuna kawsarimunankumanta parlallarqataj, maypachachus lawrashaj t'ankar sach'amanta willarqa, chaypacha. Tukuyta Kamachej Diosmanta parlaspa, Moisés nerqa: Diosqa Abrahampata, Isaacpata, Jacobpata ima Diosnin kasqanta, nispa.

Salmos 66:12

Runakuna kunkaykuman khapaykojta saqerqanki. Nina chawpinta purerqayku, yaku chawpitataj, chaymantataj chhika pata kawsayman orqhowarqayku.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Daniel (hebreo) 3:27

Jinapi chay suyumanta tukuy kamachejkuna waynakunaman qayllaykuspa, repararqanku waynakunaj ukhunkoqa mana ruphasqachu kasqanta, nitaj chujchankupis q'aspasqachu kasqanta. P'achankupis pachallan kakushasqa, nitaj q'oshñej q'apaynillanpis paykunapi kasqachu.

Génesis 48:16

Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

2 Tesalonicenses 1:7

Ñak'arichisqa kashajtiykichej, Dios qankunata, chantá noqaykutapis samarichiwasunchej, maypachachus janaj pachamanta Tukuyta Kamachej Jesús atiyniyoj angelninkunawan rikhurimonqa, chaypacha.

Génesis 21:17

Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Éxodo 23:20

Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

Éxodo 24:17

Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

Jueces 13:13

Chantá Tata Diospa angelnin payman kuticherqa: Warmiyki tukuy nisqayta junt'anan tiyan: