Éxodo 29:42 - DIOSPA QHELQACHISQ

⁴² Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Qheshwa Biblia DC

⁴² Kay ruphachisqa ofrendaqa ñaupaqeypi noqaman jaywasqapuni kanqa wiñaypaj, tinkuna toldo punkupi, maypichus tinkukusunchej parlasunaypaj.

DIOSPA QHELQACHISQAN DEUTEROCANONICAL

⁴² Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Éxodo 29:42 Referans Kwoze

Éxodo 25:22

Chaypi qanman rikhurisqayki, chantá Khuyakuyta Tarina nisqamanta, arca patapi kashanku, chay querubinkunaj chawpinmanta qanwan parlasaj. Willasqaykitaj israelitakunaman imatachus kamachisqayta.

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Éxodo 29:41

Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Éxodo 29:43

Chaypi israelitakunawan tantakullasajtaj. Chay cheqataj, chaypi noqa kasqayrayku, noqajta kananpaj t'aqasqa kanqa.

Éxodo 30:36

Wakinta sumaj ñut'ituta kutanki. Chantá Dioswan Tinkukuna Toldopi, Diospa trato ruwasqan arcaj ñawpaqenman chayta churanki, maypichus noqa, qanwan tinkukusaj, chayman. Chay inciensotaqa Tata Diospaj t'aqasqata jina qhawankichej.

Éxodo 33:7

Chantá Moisesqa uj toldota apaspa, jaramanta jawapi sayacherqa “Dioswan tantakuna toldo”, nispataj suticharqa. Pillapis Tata Diosta tapurikuyta munajqa jaramanta llojsispa, Dioswan tantakuna toldoman rej.

Números 17:4

4 (19) Chaymantataj chay varakunata Dioswan Tinkukuna Toldoman churanki. Diospa arcan kashan, chay chimpaman maypichus qankunawan tinkukuni, chayman churanki.

Números 28:7

Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Ezequiel 46:15

Corderota, ch'aki mikhuy jaywanata ima sapa paqarin q'olachispa jaywananku tiyan, nispa.

Ezequiel 43:6

Chay runa noqawan sayashajtin, Templomantapacha uj parlamojta uyarerqani, niwarqataj: