Éxodo 29:41 - DIOSPA QHELQACHISQ

⁴¹ Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Qheshwa Biblia DC

⁴¹ Kikillantataj chay ujnin kaj corderotapis ch'isiyaykuyta jaywanki tutamanta jina, jak'uwan, vinowan ima. Sumajta q'apashajta Señorpa munananta ruphachinki.

DIOSPA QHELQACHISQAN DEUTEROCANONICAL

⁴¹ Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Éxodo 29:41 Referans Kwoze

Daniel (hebreo) 9:21

Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

2 Reyes 16:15

Chaymantataj Ajazqa sacerdote Uriasta kamacherqa: Jatun altarpi tutamanta uywa ñak'asqa q'olachinata, tardentaj ch'aki mikhuy jaywanata jaywanki. Jaywallankitaj kuraj kamachejpa q'olachinanta, ch'aki mikhuy jaywasqantapis. Jaywallankitaj tukuy runaj uywa ñak'asqata jaywaspa q'olachinankuta, ch'aki mikhuy jaywanankuta, vino jaywasqankutawan ima. Chayllapitaj ch'ajchunki q'olachinapaj uywa ñak'asqaj yawarninta, jaywanapaj ñak'asqa uywakunaj yawarninkutawan. Broncemanta altarrí kanqa chaypi noqa Tata Diosta imamantapis tapunaypaj, nispa.

1 Reyes 18:36

Chantá q'olachispa jaywana phani chayamojtenqa, Diosmanta sut'inchaj Eliasqa altarman chimpaykuspa, nerqa: Abrahampata, Isaacpata, Israelpatawan Tata Diosnin, kunan yachachunku qan israelitakunaj Tata Diosnin kasqaykita, noqataj kamachiyki kasqayta, qanpa kamachisqaykirayku tukuy imata ruwasqayta ima.

1 Reyes 18:29

Chawpi p'unchaypis pasarqaña, paykunatajrí yuyay chinkasqa jina phinkiykachaspa aswan jatunmanta qhaparishallarqankupuni q'olachina phani chayamunankama. Chaywanpis mana ima parlayllapis uyarikorqachu, nitaj pipis kutichej nitaj uyarejpis karqachu.

Éxodo 29:40

Ñawpaj kaj corderotawan khuska, trigo jak'umanta sumaj kajta iskay kilota jina, uj litro olivo aceitewan chajrusqata jaywallankitaj. Chaymantaj uj litro vinota ofrendata jina ch'ajchuykunki.

Éxodo 29:42

Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Éxodo 12:6

T'aqasqaykichej uywataqa kay killamanta chunka tawayoj p'unchaykama wisq'aspa, jap'inkichej. Chantá chay p'unchayta inti yaykuykushajtin, tukuy israelitakuna chay uywata ñak'ankichej.

2 Crónicas 2:3

3 (2) Chantá Salomonqa Tiroj kuraj kamachejnin Jiranman kay jinata willajta kacharqa: Imaynatachus tatay Davidta yanaparqanki, ajinata noqatapis yanapariway. Paymanqa pinomanta k'aspita apachimorqanki, kamachinan wasita ruwakunanpaj.