Éxodo 29:13 - DIOSPA QHELQACHISQ

¹³ Chantá ch'unchulamanta, k'iwichamanta, lurunkunamantawan ima wiranta orqhospa, altarpi q'olachinki.

Qheshwa Biblia DC

¹³ Chaymantaqa ch'unchulasninta, kukupisninta, lurunisninta ima orqhoy; jinaspataj kukupisninmanta wirachay, lurunisninmantawan; chay wirasnintataj altar patapi ruphachiy.

DIOSPA QHELQACHISQAN DEUTEROCANONICAL

¹³ Chantá ch'unchulamanta, k'iwichamanta, lurunkunamantawan ima wiranta orqhospa, altarpi q'olachinki.

Éxodo 29:13 Referans Kwoze

1 Samuel 2:16

Sichus uywa ñak'asqata jaywaj runa nej: Mana, wirantaraj q'olachisaj, chantá munasqaykita apallanki, nispa chayqa, sacerdotej kamachin kutichej: Mana, kunanpachapuni qonawayki tiyan. Manachus qowanki chayqa, munaypis, amapis qhechusqayki, nispa.

Isaías 43:24

Manallataj noqapaj sumajta q'apaj jawinakunata ranterqankichu, nillataj uywa ñak'asqaj wirantapis tukuy sonqo apamuwarqankichu. Manachayqa jucha q'epiykiwan llasaykuchiwarqanki, chay jina millay juchata ruwasqaykiwantaj sayk'uchiwarqanki.

Isaías 34:6

Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

Isaías 1:11

Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Salmos 22:14

14 (15) Jich'asqa yaku jina kani, tukuy tulluytaj ch'utasqa kashan. Sonqoypis mapha jina ukhuypi unuyashan.

Números 18:17

Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki.

Levítico 17:6

Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa.

Levítico 16:25

Chay jawa jucharayku jaywanapaj ñak'asqa uywaj wiranta altarpi q'olachenqa.

Levítico 9:19

Jaywallarqankutaj toroj wiranta, corderoj wiranta, chupanta, ch'unchulaj wiranta, lurunninta, k'iwichapi wiranta ima.

Levítico 9:10

Chaymantá jucha pampachasqa kananpaj apamusqa, chay uywaj wiranta altarpi q'olacherqa. Jinallataj Aaronqa chay uywaj lurunninta, k'iwichanpi wirantawan ima q'olachillarqataj. Ajinata Aarón ruwarqa imaynatachus Tata Dios Moisesman kamachisqanman jina.

Levítico 8:25

Chaymantataj Moisesqa ñak'asqa uywamanta wiranta, chupanta, ch'unchulanmanta tukuy wiranta, k'iwichanpi wiranta, iskaynin lurunninmanta wiranta, paña piernantawan ima jap'erqa.

Levítico 8:16

Chantá Moisés uywa ñak'asqaj tukuy ch'unchulanmanta wiranta orqhorqa. Orqhollarqataj uywaj k'iwichanpi kaj wiranta, iskaynin lurunninpi wiranta ima. Jinaspataj tukuyninta altarpi q'olacherqa.

Levítico 7:31

Chantá sacerdoteqa chay wirata altarpi q'olachenqa. Uywaj qhasqonrí Aaronpaj, churinkunapajwan ima kanqa.

Levítico 7:3

Chaymantaqa ñak'asqa uywaj tukuy wiranta wirachanqa: Chupanta, ch'unchulapi wiranta, tukuy wiranta ima q'olachispa Diosman jaywanqa.

Levítico 6:12

12 (5) Altar patapi k'ajaj ninaqa mana jayk'aj wañunanchu tiyan. Chayman sacerdoteqa sapa paqarin llant'ata yapanqa. Chantá nina pataman q'olachinapaj uywa ñak'asqata churanqa. Jinaspataj chay pataman k'achata kawsakuy jaywanamanta uywaj wirantapis churallanqataj.

Levítico 4:35

Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 4:26

Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

Levítico 1:15

Chantá sacerdoteqa phawaj uywata altar patapi Tata Diosman jaywanqa. Umanta p'itispa, yawarninta altarpa uj ladonman sut'uchenqa, chaymantataj phawaj uywata altar patapi q'olachenqa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Éxodo 29:22

Chaymantataj corderoj wiranta, chupanmanta, ch'unchulanmanta, k'iwichanmanta, chantá iskaynin lurunninmanta orqhonki. Chantá paña piernantawan orqhollankitaj, imajtinchus chay corderoqa sacerdotekunata Diospaj t'aqanapaj karqa.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 12:9

Chantá ñak'asqaykichej uywaj aychantaqa ama chawata mikhunkichejchu, nitaj yakupi chayasqatapis, manachayqa ninapi kankasqatapuni mikhunkichej. Umanta, chakinta, ch'unchulantapis ninapi kankasqatapuni mikhunkichej.

Levítico 7:4

Jaywallanqataj iskaynin lurunninta, lurunninpi wiranta, ch'illanpi wiranta, k'iwicha qayllapi wiranta ima. K'iwichanpi wirataqa lurunnintawan khuskata orqhonqanku.