Éxodo 28:9 - DIOSPA QHELQACHISQ

⁹ Chantá iskay ónice rumita jap'ispa, chayman Israelpata churinkunaj sutinkuta qhelqanki.

Qheshwa Biblia DC

⁹ Chaymantaqa iskay ónice rumista k'askachinki, chaymantaj Israelpa wawasnimpa sutisninta churay.

DIOSPA QHELQACHISQAN DEUTEROCANONICAL

⁹ Chantá iskay ónice rumita jap'ispa, chayman Israelpata churinkunaj sutinkuta qhelqanki.

Éxodo 28:9 Referans Kwoze

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Isaías 49:16

Noqaqa sutiykita makiyman qhelqani ama qonqasunaypaj. Muyuyniykipi kaj perqaykitapis qhawashanipuni.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Job 28:16

Ofirmanta sumaj kaj qoriwanpis yachayta mana rantiyta atisunmanchu, nitaj lliphipirishaj ónice rumiwan, chayrí zafiro rumiwanpis rantina atikunmanchu.

2 Crónicas 2:7

7 (6) Chayrayku kunanqa kachamuway ari uj runata, tukuy imata ruway yachajta qorimanta, qolqe metalmanta, broncemanta, fierromanta, puka kulli telamanta, puka telamanta, kulli telamanta ima. Yachallachuntaj kurkupi t'illmispa warawakunata ruwayta. Ajinamanta Judapi, Jerusalenpi ima noqawan kashanku, pikunatachus tatay David mink'akusqa, chay yachajkunawan yanapachikuspa tukuy imata ruwanqa.

Éxodo 39:13

Tawa kaj sinrupitaj berilo rumi, ónice rumi, jaspe nisqa rumiwan ima karqa. Chay lliphipirishaj rumikunaqa qoriwan jap'ichisqa karqanku.

Éxodo 39:6

Chantá ónice nisqa rumita ch'eqospa, qorimanta jap'ichina pataman churararqanku. Chaymantaj t'illmispa Israelpa churinkunaj sutinkuta churarqanku.

Éxodo 28:36

Jinallataj sumaj qorimanta sillp'a tablitata jina ruwanki, chantá sellasqata jina qhelqanki: Tata Diospaj t'aqasqamin, nispa nishajta.

Éxodo 28:20

Tawa kaj sinrupitaj kanqa: Berilo rumimanta uj, ónice rumimanta uj, jaspe rumimantataj uj. Tukuy rumikuna qorimanta jap'ichinawan jap'ichisqa kanqanku.

Génesis 2:12

Chay jallp'api kaj qoritaj sumaj karqa. Jinallataj chaypi k'achituta q'apashaj sach'a waqay, bedelio chantá ónice rumi ima kallarqataj.

Éxodo 28:8

Unkuta watakunanpaj, sumaj pallayniyoj chumpeqa unkuwan ujlla kanqa, chaytaj anqa telamanta, puka panti telamanta, puka telamanta, t'ullkusqa linomantawan ruwasqa kanqa.

Éxodo 28:10

Uj kaj rumiman sojta sutita qhelqanki, uj kajmantaj sojtata. Paqarisqankuman jina qhelqanki.

Éxodo 25:7

Kay imakunatapis apamullachunkutaj ónice rumikunata, ashkha lliphirishaj rumikunatawan ima unkuman, chantá kuraj kaj sacerdotej pecheranman churanapaj.

Éxodo 31:5

Chhitanapaj, lliphipirishaj rumita ch'eqonanpaj, k'aspimanta t'illmispa ruwananpaj, jinallataj tukuy imata ruwanapaj yuyayniyoj, yachayniyojtaj kanqa.

1 Crónicas 29:2

Diosniypa Templonta ruwanapaj, tukuy imata wakichinaypaj atisqayta ruwarqani: Qorita, qolqe metalta, bronceta, fierrota, kurkukunatawan ima, chaykunawan tukuy imata ruwananpaj. Wakichillarqanitaj: Cornalina nisqa rumita, k'askachinapaj k'acha rumita, yana rumita, tukuy imaymana colorniyoj rumita, k'achanchanapaj tukuy imaymana rumita, mármol nisqa rumitawan may chhikata.

Zacarías 9:16

Chay p'unchaypi Tata Diosqa ayllunta awqankumanta kacharichenqa oveja tropata jina, paykunataj kikin llajtankupi pillupi valorniyoj k'achitu rumi jina lliphipirenqanku.