Éxodo 28:43 - DIOSPA QHELQACHISQ

⁴³ Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Qheshwa Biblia DC

⁴³ Chay p'achasta churarakuspa Aarón, jinallataj wawasnimpis Diospaj tiyakunan toldoman yaykonqanku, chayri altarman qayllaykunankupaj rikuchikusta jaywanankupaj Diospaj t'aqasqa cheqapi, ama juchallikunankupaj, amataj wañunankupaj. Kay leyqa unaypajpuni kanqa, jinallataj mirayninkupajpis.

DIOSPA QHELQACHISQAN DEUTEROCANONICAL

⁴³ Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Éxodo 28:43 Referans Kwoze

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Éxodo 20:26

Altarniytaqa amallataj patillayojtachu ruwankichej, chayninta wicharishajtiykichej ama qhapaykichej rikukunanpaj, nispa.

Levítico 5:17

Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa.

Números 18:22

Chay waj israelitakunarí Dioswan Tinkukuna Toldoman mana qayllayta atenqankuchu. Qayllaspaqa juchallinkuman, chayraykutaj wañuchisqa kankuman.

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Levítico 5:1

Tata Dios Moisesta nillarqataj: Sichus mayqenpis testigo jina imatachus rikusqanta, chayrí uyarisqanta sut'inchananpaj wajyasqa kanman, manataj sut'inchayta munanmanchu chayqa, juchallin. Payqa juchachasqa kanqa.

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Éxodo 30:21

Ama wañunankupaj makinkuta, chakinkutawan mayllakonqanku. Kay kamachisqayqa Aaronpaj, churinkunapaj, chantá mirayninkupaj ima wiñaypaj wiñayninkama kanqa, nispa.

Levítico 16:13

Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Ezequiel 44:17

Ukhu patioj punkunta yaykunankupaj, linomanta ruwasqa p'achata churakonqanku. Paykunaqa ukhu patioj punkunpi ruwanankuta junt'ashaspa, millmamanta ruwasqa p'achata mana churakonqankuchu, nillataj Templo ukhupipis.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Levítico 22:15

Sacerdotekunaqa israelitakuna Tata Diosman jaywanapaj apamusqankuta ama pisipaj qhawachunkuchu, imajtinchus chaykunaqa Diospaj t'aqasqamin.

Números 15:15

Qankuna, jinallataj qankunawan tiyakoj waj llajtayojkunapis kay kamachisqaman jina ruwankichej. Kay kamachisqaqa qankunapaj, chantá mirayniykichejpaj ima wiñaypaj kanqa. Noqaj ñawpaqeypeqa qankuna, jinataj waj llajtayojkunapis uj rejlla kankichej.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Números 18:32

Tata Diospaj sumajnin kajta t'aqaytawankama, puchojta mikhuspa, mana juchallinkichejchu. Ajinata ruwaspa, israelitakunaj qosqankuta mana pisipaj qhawankichejchu, chayraykutaj nitaj wañunkichejchu, nispa.