Éxodo 28:41 - DIOSPA QHELQACHISQ

⁴¹ Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki.

Qheshwa Biblia DC

⁴¹ Ajinata wauqeyki Aaronta wawasnintawan sumajta p'achallichinki, chaymantataj umasninkuta aceitewan jawiranki, paykuna noqapaj t'aqasqas kanankupaj; ajinamanta sacerdotesniy kanqanku.

DIOSPA QHELQACHISQAN DEUTEROCANONICAL

⁴¹ Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki.

Éxodo 28:41 Referans Kwoze

Éxodo 29:7

Chantá jawina aceiteta umanman jich'aykuspa, Aaronta jawinki.

Levítico 10:7

Amallataj Dioswan Tinkukuna Toldoman yaykuna punkumanta karunchakuychejchu, ama wañunaykichejpaj. Qankunaqa aceitewan jawisqa kaspa, Tata Diospaj t'aqasqa kankichej, nispa. Paykunataj Moisespa kamachisqanman jina ruwarqanku.

Éxodo 40:15

Jinaspataj, sacerdoteykuna kanankupaj aceitewan paykunata jawinki, imaynatachus tatankuta jawerqanki, ajinata. Aceitewan jawisqaykirayku paykuna, jinataj mirayninkuna wiñay wiñaynintinpaj sacerdoteykuna kanqanku, nispa.

Éxodo 29:9

Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Hebreos 7:28

Moisespa kamachisqanqa pisi kallpa runakunatamin churarqa kuraj kaj sacerdotekuna kanankupaj. Chaywanpis Moisespa kamachisqanmanta qhepata Dios tiluspa Churinta Kuraj Kaj Sacerdotepaj churarqa. Kunantaj payqa wiñaypaj mana pantayniyoj Kuraj Kaj Sacerdote.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

1 Juan 2:20

Aswanpis Cristoqa Santo Espiritunejta qankunata paypaj t'aqasorqachej, tukuyniykichejtaj cheqa kajta yachankichej.

Hebreos 5:4

Mana pipis munasqanraykullaqa kuraj kaj sacerdote kayta atinmanchu. Manachayqa Diospuni payta wajyaspa, kuraj kaj sacerdote kananpaj churan, imaynatachus Diosqa Aaronta wajyaspa churarqa, ajinata.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

Ezequiel 43:26

Sacerdotekunaqa qanchis p'unchay junt'ata altarta juchamanta llimphuchanqanku, Diospaj t'aqasqa kananpaj.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Isaías 10:27

Chaypacha wasaykiman llasa q'epi churasusqankuta qhechusaj, jinallataj yugota churasusqankutapis p'akisaj, nispa.

Números 3:3

Paykunaqa tawantinku Aaronpa ayllunmanta sacerdote kanankupaj ajllasqa karqanku, chantá aceitewan jawisqa ima.

Éxodo 29:35

Imaynatachus kamachisusqayman jina, ajinata Aaronwan, churinkunawan ima ruwanki. Sacerdoteykuna kanankupaj t'aqaspa, qanchis p'unchayta chay tukuy imata ruwanki.

Éxodo 29:24

Chantá tukuyninta Aaronpa makinman, jinallataj churinkunaj makinman ima churanki. Paykunataj ikhaspa, Tata Diosman jaywanqanku.

Éxodo 28:4

Kay jina p'achakunata ruwanqanku: Pecherata, unkuta, poncho jina qhatanata, pallayniyoj p'achata, linomanta ch'uluta, pallayniyoj chumpitawan. Ajina sumaj p'achakunata wawqeyki Aaronpaj, churinkunapajwan ima ruwapunkichej, sacerdoteykuna jina imachus ruwanankuta ruwanankupaj.

Éxodo 28:1

Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Éxodo 40:13

Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

Levítico 16:24

Jinaspataj, Diospaj T'aqasqa Cheqapi yakuwan mayllakuspa, waj p'achata churaykukuytawan llojsimonqa. Chantá payrayku, jinataj tukuy israelitakunarayku jaywanata q'olachispa Tata Diosman jaywanqa. Ajinata ruwaspa, paypa juchan, chantá israelitakunaj juchankupis pampachasqa kananta tarenqa.

Éxodo 30:35

Chaykunawan sumaj k'achituta q'apashaj inciensota ruwanki, sumaj kachinchasqata, llimphituta, Diospaj t'aqasqa kananpaj jina. Chaytaqa imaynatachus sumaj q'apashaj jawinata ruwayta yachaj ruwan, ajinata ruwanki.

Números 16:5

Chantá Coreta, jinataj pikunachus paywan kasharqanku, chaykunatawan ima nerqa: Q'aya tutamanta Tata Dios niwasun pikunachus paypata kasqankuta, pikunatajchus Diospaj t'aqasqa kasqankuta. Ajinallataj pikunatachus Tata Dios ajllan, chaykunalla payman qayllaykunankuta nenqa.