Éxodo 28:21 - DIOSPA QHELQACHISQ

²¹ Chunka iskayniyoj rumi kanan tiyan, imajtinchus Israelpata churinkunaqa chunka iskayniyoj kanku. Sapa rumipi uj jatun aylloj sutin t'illmisqa kanqa.

Qheshwa Biblia DC

²¹ Chay rumisqa kanqanku mashkhachus Israelpa wawasnin kanku chayman jina, chunka iskayniyoj sutis. Chay sutis sapa uj rumispi escribisqa kanqa chunka iskayniyoj ayllus.

DIOSPA QHELQACHISQAN DEUTEROCANONICAL

²¹ Chunka iskayniyoj rumi kanan tiyan, imajtinchus Israelpata churinkunaqa chunka iskayniyoj kanku. Sapa rumipi uj jatun aylloj sutin t'illmisqa kanqa.

Éxodo 28:21 Referans Kwoze

Apocalipsis 21:12

Chay llajtaqa jatun perqawan muyuykusqa karqa, chunka iskayniyoj punkuyojtaj. Sapa punkupi uj ángel kasharqa, jinataj sapa punkupi Israelpa chunka iskayniyoj churinkunaj sutinku qhelqasqa karqa.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

1 Reyes 18:31

Chantá Eliasqa chunka iskayniyoj rumikunata oqharerqa, Jacobpa churinkuna mashkhachus karqanku, chayman jina. Chay Jacobtaqa Tata Dios nisqa: Sutiykeqa Israel kanqa, nispa.

Éxodo 28:11

Rumikunapi Israelpa churinkunaj sutinta qhelqanqa jaluchukunata ruwayta yachaj, jinataj sellota jina ruwanqa. Chaymantaqa chay rumikunata qorimanta ruwasqa jap'ichinawan chhitaranki.

Éxodo 28:20

Tawa kaj sinrupitaj kanqa: Berilo rumimanta uj, ónice rumimanta uj, jaspe rumimantataj uj. Tukuy rumikuna qorimanta jap'ichinawan jap'ichisqa kanqanku.

Éxodo 28:22

Chaymantaqa pecherapaj sumaj qorimanta ñañu cadenata ruwanki, watanata jina t'ullkusqata.

Éxodo 24:4

Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Job 19:24

Allin kanman pillapis uj cincelwan titipi chayrí rumipi ch'eqospa, nisqayta wiñaypaj qhelqanan.

Zacarías 9:16

Chay p'unchaypi Tata Diosqa ayllunta awqankumanta kacharichenqa oveja tropata jina, paykunataj kikin llajtankupi pillupi valorniyoj k'achitu rumi jina lliphipirenqanku.