Éxodo 28:2 - DIOSPA QHELQACHISQ

² Wawqeyki Aaronpajqa Diospaj t'aqasqa sacerdotepaj jina, sumaj p'achata ruwapunki, ima munay, manchay k'achitu rikukunanpaj.

Qheshwa Biblia DC

² Wauqeyki Aarompaj sacerdote p'achasninta ruwapuy, k'achata sumajtataj qhawasqa kanampaj.

DIOSPA QHELQACHISQAN DEUTEROCANONICAL

² Wawqeyki Aaronpajqa Diospaj t'aqasqa sacerdotepaj jina, sumaj p'achata ruwapunki, ima munay, manchay k'achitu rikukunanpaj.

Éxodo 28:2 Referans Kwoze

Levítico 8:30

Chantá Moisés jawina aceiteta, chantá altar patapi kashaj yawartawan oqharispa, Aaronta, churinkunatawan ima ch'ajchorqa. Jinallataj sacerdote p'achankutapis ch'ajchullarqataj. Ajinata Moisesqa Aaronta, churinkunata, chantá sacerdote p'achankutawan ima Tata Diospaj t'aqarqa.

Éxodo 31:10

Chantá sacerdotekuna ruwanankuta ruwanankupaj chay yachayniyojkuna p'achatapis ruwallanqankutaj Aaronpaj, churinkunapaj ima.

Apocalipsis 19:8

Chay sipasman Dios atiyta qorqa yuraj lliphipej sumaj awasqa linomanta p'achawan p'achallikunanpaj. Linomanta sumaj awasqa telaqa ninakun Diospa ajllakusqankunaj cheqan ruwasqankuwan, nispa.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

Job 40:10

Jina kajtenqa, jatun kaywan, sumajpaj qhawasqa kaywan ima p'achallikuy. Yupaychasqa kaywan, jatunchasqa kaywantaj qhataykukuy.

Éxodo 28:40

Aaronpa churinkunapajqa sumaj p'achata, chumpita, ch'ulutawan ruwapunki, sacerdote jina p'achallikunankupaj, chantá ima munay, manchay k'achitu rikukunanpaj.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

2 Pedro 1:17

Tata Diosqa Jesucristota jatuncharqa, may patamantaj oqharerqa, maypachachus Tukuy Atiyniyoj Jatunchasqa Kamachej nimorqa: Kaymin munasqa Chureyqa. Paywan sonqo junt'asqa kani, nispa, chaypacha.

Hebreos 2:9

Diosqa Jesusta churarqa angelkunamanta tumpawan pisi kananpaj. Chaywanpis kunan Jesusta rikunchej, jatun kaywan pilluchisqata, jatunpaj qhawasqata ima, noqanchejrayku ñak'arispa wañusqanrayku. Dios munakuwasqanchejrayku munarqa Churin tukuy runarayku wañunanta.

Gálatas 3:27

Bautismonejta Cristoman tukuy ujchasqa kajkunaqa, Cristo imaynatachus kawsarqa, ajinallatataj kawsaychej mosoj p'achatapis churakushawajchej jina.

Romanos 13:14

Aswanpis Tukuyta Kamachej Jesucristo imaynachus kasqanwan p'achawan jina p'achallikuychej, amataj yuyaychejchu juchallinaman aysaj sonqoykichejpa munayninta ruwayta.

Romanos 3:22

Diosqa runata cheqanpaj qhawawanchej Jesucristopi atinikusqanchejrayku. Paytaj chayta ruwan Jesuspi tukuy atinikojkunawan, imaraykuchus Diosqa runata mana qhawaranchu.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Salmos 149:4

Tata Diosqa ayllunwan sonqo junt'asqa kashan, llamp'u sonqoyojkunatataj atipachispa pilluykuchin.

Salmos 132:16

Sacerdotenkunata llimphu kawsaywan p'achawan jina p'achallichisaj. Diosta mana wasanchaj kamachikunapis kusiymanta takirikonqanku.

Salmos 132:9

Sacerdoteykikunaqa llimphu kawsaywan p'achawan jina p'achallisqa kachunku, kamachiyniykipi kajkunapis kusiymanta takichunku.

Salmos 96:6

Ñawpaqenpeqa jatun kayninpa k'anchaynin lliphipishan. Yupaychana wasinpitaj atiyninwan, k'acha kaywan ima tiyan.

Éxodo 40:13

Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Éxodo 29:28

Tukuy chaykunataqa Aaronman, churinkunamanwan ima qonki. Kayqa israelitakunapaj wiñaypaj kamachisqa kanqa. Israelitakuna Tata Diosman allinyakuna jaywanata jaywaspa, corderoj qhasqonta, piernantawan sacerdotekunaman qonqanku.