Éxodo 28:12 - DIOSPA QHELQACHISQ

¹² Chantá iskaynin rumikunata unkuta watanaman churanki, israelitakunamanta yuyarikuna rumi kananpaj. Ajinata Aaronqa Tata Diospa ñawpaqenpi sayaspa, sapa lijranpi israelitakunamanta yuyarikunanpaj sutinkuta apanqa.

Qheshwa Biblia DC

¹² Iskaynin rumista k'askachinki efod mast'asqa pataman israelitas yuyarikunankupaj. Chantá Aarompis, israelitas yuyarikunankupaj sapa lado lijrasnimpi Señorpa ñaupaqempi paykunaj sutisninta apanqa.

DIOSPA QHELQACHISQAN DEUTEROCANONICAL

¹² Chantá iskaynin rumikunata unkuta watanaman churanki, israelitakunamanta yuyarikuna rumi kananpaj. Ajinata Aaronqa Tata Diospa ñawpaqenpi sayaspa, sapa lijranpi israelitakunamanta yuyarikunanpaj sutinkuta apanqa.

Éxodo 28:12 Referans Kwoze

Éxodo 28:29

Aaronqa Dioswan Tinkukuna Toldoman sapa kuti yaykuspa qhasqonpi k'askachisqata apanqa, pecheraj patanpi Israelpata churinkunaj sutinku qhelqasqata, chantá justiciata ruwanapaj imakunatawan ima. Ajinamanta Tata Diospa ñawpaqenpi israelitakuna yuyarisqa kanqanku.

Josué 4:7

Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Números 31:54

Ajinata Moiseswan, chantá sacerdote Eleazarwan ima waranqatakama, pachajtakama kamachejkuna apamusqanku qorita jap'erqanku. Chantá Dioswan Tinkukuna Toldoman chay qorita apaykorqanku, Tata Dios israelitakunamanta yuyarikunanpaj.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Levítico 24:7

Sapa sinrumantaj mana chhapusqa inciensota churanki, chay t'antata sumajta q'aparichinanpaj. Jinaspataj inciensota Tata Diospa sutinpi q'olachinki.

Hechos 10:4

Corneliotaj angelta qhawarispa, manchachikuywan nerqa: Imatataj munashanki, wiraqochíy? nispa. Angeltaj kuticherqa: Diosqa mañarikusqaykita uyarisunki, jinallataj wajchakunata yanapasqaykitapis rikullantaj.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

San Lucas 1:54

Diosqa khuyakuyninmanta yuyarikuspa, kamachin Israelta yanaparqa,

Isaías 62:6

Jerusalén, perqayki pataman qhawajkunata churani, paykunataj mana sayk'uspa, tuta p'unchay ninkupuni: Tata Diospa sutinta oqharejkuna, ama ch'inlla kakuychejchu.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Salmos 89:19

19 (20) Uj kuti mosqoypi jina parlarqanki, qanta qhatisojkunatataj nerqanki: Uj wapu runata aylluymanta ajllakuni. Chantá payta pataman oqharerqani, yanaparqanitaj.

Éxodo 28:7

Chaytaj sacerdote kunkanman wataykukunanpaj puraj kantunpi iskay watanayoj kanqa.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

1 Corintios 11:24

Diosta pachis niytawantaj, chay t'antata yachachisqankunaman rak'ispa, nerqa: Kaymin ukhoyqa, chaytaj qankunarayku jaywasqa kanqa. Kay t'antata mikhuychej, noqamanta yuyarikuspa, nispa.

Éxodo 28:11

Rumikunapi Israelpa churinkunaj sutinta qhelqanqa jaluchukunata ruwayta yachaj, jinataj sellota jina ruwanqa. Chaymantaqa chay rumikunata qorimanta ruwasqa jap'ichinawan chhitaranki.

Deuteronomio 33:12

Benjamín jatun ayllumanta parlaspataj, Moisés nerqa: Tata Diospaj may munasqa kajqa, ni imamanta llakiyniyoj kawsakonqa, imaraykuchus Patapi Kajqa payta wiñaypaj jark'akonqa. Tata Diospa waqaychayninpi tiyakonqa, nispa.

Job 31:36

Tumpawasqantaqa lijraypi kusisqa apaykachasaj, pilluta jinataj umayman churakusaj.