Éxodo 27:21 - DIOSPA QHELQACHISQ

²¹ Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Qheshwa Biblia DC

²¹ Chaymanta cuentayojqa kachunku Aaronwan wawasninwan, chay k'anchachinas tukuy tuta k'anchanankupaj, paykuna ima kajtapis ruwachunku, jinamanta Señorpa ñaupaqempi k'anchanampaj; velomanta jawapi, maypichus Señorpa leynimpa cajonniy kashan chaypi. Kayta israelitasqa sapa kuti ruwanqanku, jinallataj mirayninkupis uj kamachiy wiñaypaj churasqata jina.

DIOSPA QHELQACHISQAN DEUTEROCANONICAL

²¹ Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Éxodo 27:21 Referans Kwoze

Números 19:21

Kay kamachisqayqa wiñaypaj qankunapaj kanqa. Pichus llimphuchakuna yakuwan wajta ch'ajchojqa p'achanta t'ajsakunan tiyan. Jinallataj chay yakuta llankhajpis ch'isiyanankama mana llimphupaj qhawasqa kanqa.

Números 18:23

Dioswan Tinkukuna Toldopi imachus ruwanataqa, levitakunalla ruwanqanku. Imapipis pantaykuspaqa, paykunallataj cuentayoj kanqanku. Kay kamachisqayqa mirayniykichejpaj wiñaypaj kanqa. Levitakunaqa israelitakuna ukhupi mana jallp'ayojchu kanqanku,

2 Crónicas 13:11

Paykunaqa sut'iyayta, ch'isiyaykuyta uywa ñak'asqata q'olachispa Tata Diosman jaywanku. Inciensotapis q'oshñichipullankutaj. Llimphupaj qhawasqa mesaman churallankutaj Diospaj t'aqasqa t'antata, sapa ch'isiyaytataj lamparakunata jap'ichinku, qorimanta ruwasqa candeleropi k'anchananpaj. Chay tukuyta ruwayku, imaraykuchus noqaykoqa Tata Diospa nisqanta junt'ayku. Qankunatajrí payta saqerparinkichej.

1 Samuel 3:3

Samuelpis Dioswan Tinkukuna Toldopi, Diospa arcan kasharqa, chaynejpi puñushallarqataj. Dioswan Tinkukuna Toldopi k'anchaj lampararí manaraj wañuchisqachu karqa.

Levítico 16:34

Kay kamachisqaqa qankunapaj wiñaypaj kanqa: Watapi uj kutita, tukuy israelitakunaj juchallisqanku pampachasqa kananpaj, Tata Diosman uywata ñak'aspa jaywankichej. Ajinaqa Moisés tukuy imata ruwarqa Tata Dios kamachisqanman jina.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Éxodo 30:8

Jinallataj Aaronqa inti yaykuykuyta, lamparakunata jap'ichishaspa, inciensota q'oshñichillanqataj. Ajinata Aarón, jinataj churinkukunapis Tata Diospa ñawpaqenpi, wiñaypaj ruwallanqanku.

2 Pedro 1:19

Chayta uyarispa, noqayku repararqayku Diosmanta sut'inchajkunaj willasqanku jinapuni kasqanta. Qankunataj chay nisqankuta kasuta ruwaspa, allinta ruwankichej. Chay nisqankoqa laqhapi lámpara jina k'ancharin. Jinallataj k'anchanqapuni, sut'iyay ch'aska llojsimuspa, sonqoykichejpi k'anchanankama.

San Juan 5:35

Juanpa yachachisqanqa laqhapi k'anchay jina karqa, qankunataj yachachisqanta uyarispa, kusikorqankichej.

1 Samuel 30:25

Chaymantapacha kunankama Israel suyupi ajinata ruwanku.

Éxodo 28:43

Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

San Lucas 12:35

Chumpiykichej mat'isqa kachun, lamparaykichejpis jap'ichisqa.

San Mateo 4:16

Laqhapi tiyakoj runakuna uj jatun k'anchayta rikonqanku. Wañuy llanthu cheqapi tiyakojkunamanpis uj k'anchay lliphipimonqa, nispa.

Malaquías 2:7

Sacerdotekunaqa runakunaman yachachinanku tiyan imaynatachus noqata rejsinawankuta, munayniyman jina purinankupaj. Chantá tukuy runakuna paykunaman rinanku tiyan yachayta jap'ikunankupaj, imaraykuchus sacerdotekunaqa Tukuy Atiyniyoj Tata Diospa kachankuna kanku.

Salmos 134:1

(1b) Tata Diospa tukuy kamachinkuna, tukuyniykichej payta yupaychaychej, pikunachus Tata Diospa Templonta tutan qhawankichej, chaykuna.

Números 8:9

Chantá levitakunata Dioswan Tinkukuna Toldoj ñawpaqenman qayllamunankuta ninki. Jinallataj tukuynin israelitakunata tantanki.

Levítico 24:9

Tata Diospa ñawpaqenpi churasqa t'antaqa Aaronpaj, churinkunapajwan kanqa. Paykunataj chayta Diospaj T'aqasqa Cheqapi mikhonqanku, imajtinchus Diosman jaywasqa t'antaqa Diospaj t'aqasqamin, chayrayku, nispa.

Levítico 24:3

Aaronqa Dioswan Tinkukuna Toldoman yaykunapi lamparakunata churanqa, tukuy tutantin k'anchananpaj, Tata Diospa ñawpaqenpi, velomanta jawapi, Diospa trato ruwasqan arcaj ñawpaqenpi. Kay kamachisqaqa tukuy mirayniykichejpaj wiñaypaj kanqa.

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Éxodo 40:3

Chaymantaj kamachisqakuna qhelqasqayoj kashan, chay arcata churanki, chantá velowan qhataykunki.

Éxodo 30:36

Wakinta sumaj ñut'ituta kutanki. Chantá Dioswan Tinkukuna Toldopi, Diospa trato ruwasqan arcaj ñawpaqenman chayta churanki, maypichus noqa, qanwan tinkukusaj, chayman. Chay inciensotaqa Tata Diospaj t'aqasqata jina qhawankichej.

Éxodo 29:44

Jinallataj Dioswan Tinkukuna Toldota, altarta ima noqapaj t'aqasaj. Chantá Aaronta, churinkunatawan ima sacerdoteykuna kanankupaj t'aqallasajtaj.

Éxodo 29:42

Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Éxodo 29:28

Tukuy chaykunataqa Aaronman, churinkunamanwan ima qonki. Kayqa israelitakunapaj wiñaypaj kamachisqa kanqa. Israelitakuna Tata Diosman allinyakuna jaywanata jaywaspa, corderoj qhasqonta, piernantawan sacerdotekunaman qonqanku.

Éxodo 25:16

Chantá arca ukhuman, p'alta rumipi qhelqasqa kamachisqakuna qosqayki, chayta churanki.

Éxodo 16:34

Chantá Aaronqa Diospa arcanpa ñawpaqenman maná nisqayoj mankata churarqa, Tata Dios Moisesman kamachisqanman jina.

Génesis 1:8

Diostaj yakuta iskayman t'aqaj ch'usajta suticharqa: “Janaj”, nispa. Jinaqa inti yaykuymanta q'ayantin inti yaykuykama, iskay kaj p'unchay karqa.

Génesis 1:5

Chantá Dios k'anchayta suticharqa “p'unchay”, nispa. Laqhatataj “tuta”, nispa suticharqa. Jinaqa inti yaykuymanta q'ayantin inti yaykuykama, ñawpaj kaj p'unchay karqa.

Levítico 24:2

Israelitakunata kamachiy, lamparakunata k'anchachinapaj olivomanta ruwasqa sumaj aceiteta apamunankuta, lamparakuna k'anchanallankupajpuni.

Números 18:5

Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 30:21

Ama wañunankupaj makinkuta, chakinkutawan mayllakonqanku. Kay kamachisqayqa Aaronpaj, churinkunapaj, chantá mirayninkupaj ima wiñaypaj wiñayninkama kanqa, nispa.

Levítico 6:15

15 (8) Ujnin kaj sacerdotetaj ch'aki mikhuy jaywanamanta aceitewan chhapusqa jak'uta uj pojtuta oqharenqa, inciensotawan ima. Chantá altarpi yuyarikuna jaywanata jina q'olachenqa. Chay jaywanaj ima munay q'apaynintaj Tata Diosman chayanqa.

Levítico 7:36

Tata Diosqa sacerdote kanankupaj t'aqasqa kasqankumantapacha, chaykunata qonankupaj israelitakunata kamacherqa. Chay kamachisqaqa wiñay wiñaypaj kanqa.

Levítico 10:9

Qan, chayrí churiykikuna Dioswan Tinkukuna Toldoman yaykunaykichej kajtenqa, ama vinota ujyankichejchu, nitaj ima machachej ujyanatapis, ama wañunaykichejpaj. Kayqa tukuy mirayniykichejpaj wiñaypaj kamachisqay kanqa.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Levítico 23:14

Poqochisqaykichejmanta Tata Diosman jaywanaykichejpaj apamunaykichejkamaqa, t'antata, trigo jank'ata, nitaj q'elluyashaj trigotapis amaraj mikhunkichejchu. Kay kamachisqaqa mirayniykichejpaj wiñaypaj kanqa, maypichus tiyakunkichej, chaypi.

Levítico 23:21

Chay kikin p'unchayllataj qankunapis Tata Diosta yupaychanaykichejpaj tantakunkichej, amataj ni ima ruwanata ruwankichejchu. Kay kamachisqaqa tukuy mirayniykichejpaj wiñaypaj kanqa, maypichus tiyakunkichej, chaypi.

Números 35:29

Kay kamachisqakunaqa qankunapaj, jinataj tukuy mirayniykichejpajwan kanqa, mayllapipis tiyakunkichej chaypi.