Éxodo 27:1 - DIOSPA QHELQACHISQ

¹ Ruwallankitaj acaciamanta uj altarta, chay altarqa tawa esquinayoj kanqa. Altarqa sapa ladoman iskay metro cuartayoj kanqa, sayayninmantaj uj metro cuartayoj.

Qheshwa Biblia DC

¹ Ruwallankitaj altarta acacia maderamanta cuadradota, sapa ladonman kanqa iskay metro iskay chunka phishqayoj centimetrosniyoj, patamantaj uj metro iskay chunka phishqayoj centimetrosniyoj.

DIOSPA QHELQACHISQAN DEUTEROCANONICAL

¹ Ruwallankitaj acaciamanta uj altarta, chay altarqa tawa esquinayoj kanqa. Altarqa sapa ladoman iskay metro cuartayoj kanqa, sayayninmantaj uj metro cuartayoj.

Éxodo 27:1 Referans Kwoze

Hebreos 13:10

Noqanchejpata uj altar tiyapuwanchej, chay altarpi imachus jaywasqa kajmantataj Dioswan Tinkukuna Toldopi sacerdotekuna mana mikhuyta atinkuchu.

2 Crónicas 4:1

Jiranqa broncemanta uj altarta ruwachillarqataj, chaytaj sayt'unman jisq'on metroyoj karqa, anchonmantaj jisq'onllataj, sayayninmanrí tawa metro khuskanniyoj karqa.

2 Samuel 24:18

Chay p'unchaypacha Gadqa Davidta watukoj rispa, nerqa: Maypichus jebuseo Arauna trigota trillashasqa chaynejpi, Tata Diospaj uj altarta ruwapuy, nispa.

Éxodo 40:29

Jinallataj Moisesqa Tata Dios kamachisqanman jina, Dioswan Tinkukuna Toldo punkuman uywa ñak'asqata q'olachina altarta churarqa. Chantá chay altar patapi uywa ñak'asqata, ch'aki mikhuy ofrendatawan Tata Diosman q'olacherqa.

Éxodo 40:10

Jinallataj uywa ñak'asqata q'olachina altarta, tukuy imantawan jawina aceitewan jawiykunki. Ajinata altarta noqapaj t'aqanki, jinamantataj altarqa llimphu llimphumin kanqa.

Éxodo 24:4

Chaymanta Moisesqa Tata Diospa tukuy nisqanta qhelqarqa. Q'ayantintaj tutamanta jatarispa, orqo k'uchupi chunka iskayniyoj rumiwan uj altarta jataricherqa. Jinallataj chunka iskayniyoj rumita sayacherqa, sapa jatun ayllumanta uj rumi karqa.

Éxodo 35:16

Chay runakuna ruwallanqankutaj uywata ñak'aspa q'olachina altarta, broncemanta ruwasqa rejillanta, altarta wantuna k'aspita, tukuy imantinta, mayllakuna jatun ch'illamita, chukunta ima.

Números 3:31

Paykuna qhawananku karqa: Arcata, mesata, candelerota, chantá altarkunata ima. Jinallataj Diosta yupaychanapaj imakunachus karqa chaykunata, velota jinataj tukuy imachus karqa chaykunatawan qhawanallankutaj karqa.

Números 4:13

Chantá altarmanta ushphata pichanqanku, jinaytawantaj, puka panti bayetawan altarta qhataykonqanku.

2 Reyes 16:14

Chantá Ajazqa Tata Diospa Templonpa ñawpaqenpi kaj altarta oqharichispa, patanejman apacherqa. Chaymantaj ruwachisqan altarta churarqa. Jinamanta ñawpa altarqa ruwachisqan altarwan, Templowan chay chawpinejpi jina karqa.

1 Crónicas 6:49

49 (34) Aaronwan, churinkunawan imarí altar patapi uywata ñak'aspa q'olachej karqanku. Jinataj inciensota q'oshñichina altar patapipis inciensota q'oshñichej karqanku. Jinallataj Diospa kamachin Moisés kamachisqanman jina, Templopi Diosllapaj T'aqasqa nisqa cheqapi imachus ruwanata ruwanankupaj, chantá israelitakunaj juchankurayku uywa ñak'asqata Diosman jaywanankupaj churasqa karqanku.

Esdras 3:2

Chaypacha Josadacpa churin Josué, chantá sacerdote masinkuna, jinallataj Salatielpa churin Zorobabel, chantá ayllu masinkuna ima Israelpa Diosninpa altarninta ruwarqanku. Ajinaqa paykuna chay patapi uywakunata ñak'aspa q'olachiyta munarqanku, Diospa kamachin Moisespa kamachisqanman jina.

Éxodo 17:15

Chantá Moisés chaypi Tata Diospaj uj altarta ruwarqa, suticharqataj: “Tata Diosmin ñawpajta rej”, nispa.

Éxodo 31:9

Jinallataj q'olachina altarta tukuy imantinta, mayllakuna ch'illamita, sayanantawan ima ruwanqanku.

Éxodo 39:39

Apamullarqankutaj broncemanta ruwasqa altarta, rejillantinta, iskaynin k'aspinta, tukuy imantintawan. Apamullarqankutaj jatun ch'illamita, churanapaj chukuntawan.

Éxodo 40:6

Chantaqa Dioswan Tinkukuna Toldoj ñawpaqenman uywa ñak'asqata q'olachinapaj altarta churallankitaj.

Números 4:14

Chay patanmantaj Diosman jaywanapaj imakunata churanqanku: Nina k'ajata oqharinata, trinchekunata, lampakunata, chuwakunata, chantá altarpata imanchá tiyan, chaykunatawan ima. Chaymantataj patanman tejón qaramanta ruwasqa qhatanatawan qhataykonqanku. Chantá oqharispa, wantunapaj k'aspita altarpa ninrinnejta pasachenqanku.