Éxodo 26:36 - DIOSPA QHELQACHISQ

³⁶ Dioswan Tinkukuna Toldoj punkunta wisq'anapajtaj, t'ullkusqa linomanta uj cortinata ruwanki. Cortinaj colornintaj kanqa anqa, puka, puka panti ima. Cortinataj sumaj pallayniyoj awasqa kanqa.

Qheshwa Biblia DC

³⁶ Diospa tiyakunampa punkunta wisq'anaykipajtaj ruwanki uj cortinata moradomanta, pukamanta, puka pantimanta, t'ullkusqa linomantawan sumaj k'achanchasqata.

DIOSPA QHELQACHISQAN DEUTEROCANONICAL

³⁶ Dioswan Tinkukuna Toldoj punkunta wisq'anapajtaj, t'ullkusqa linomanta uj cortinata ruwanki. Cortinaj colornintaj kanqa anqa, puka, puka panti ima. Cortinataj sumaj pallayniyoj awasqa kanqa.

Éxodo 26:36 Referans Kwoze

Éxodo 36:37

Dioswan Tinkukuna Toldoman yaykunapaj, anqa telamanta, puka telamanta, puka panti telamanta, t'ullkusqa linomanta ima uj cortinata ruwallarqataj. Chay cortinata sumaj k'acha pallayniyojta ruwarqa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

Salmos 78:60

Chayrayku Tata Diosqa Silopi tiyakunanmanta riporqa, mayqenchus runakuna chawpipi tiyakunan toldo karqa, chaymanta.

2 Samuel 7:6

Egiptomanta orqhomorqani israelitakunata, chaymantapacha kunankama mana mayqen wasipichu tiyakorqani, manachayqa toldollapi tiyakuspa, kayman jaqayman purerqani.

Números 9:15

Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

Números 3:25

Paykunaqa Dioswan Tinkukuna Toldota qhawananku karqa. Jinallataj qaramanta toldo qhatanata, chantá toldoman yaykuna cortinanta ima qhawanallankutaj karqa.

Éxodo 39:33

Dioswan Tinkukuna Toldota, chantá tukuy imanta Moisesman apamorqanku: Jap'ichinata, tablakunata, k'aspikunata, sayantakunata, chukukunata,

Éxodo 35:11

Dioswan Tinkukuna Toldota, qhatananta, ganchokunata, tablakunata, k'aspikunata, sayantakunata, chantá chukukunata ima ruwanqanku.

Éxodo 26:31

Jinallataj t'ullkusqa linomanta uj velota awanki, colornintaj anqa, puka, puka panti ima kanqa. Chay velotataj iskay querubinkunaman rijch'asqa pallayniyojta awanki.

Éxodo 27:16

Patioman yaykuna punkupi cortinaqa jisq'on metroyoj kanqa. Anqamanta, puka pantimanta, pukamanta, t'ullkusqa linomanta ruwasqa kanqa. Chay cortinaqa ima munay pallayniyoj awasqa kanqa. Chay jawa tawa k'aspiyoj, tawa chukuyoj ima kallanqataj.

Éxodo 28:39

Sacerdotekuna churakunankupaj p'achata, jinataj ch'ulutapis lino q'aytumanta awaspa ruwanki. Chumpitapis ima munay pallayniyojta awanki.

Éxodo 38:18

Patio punkupi cortinaqa k'achitu pallayniyoj ruwasqa karqa anqa telamanta, puka panti telamanta, puka telamanta, linomanta sumaj awasqa telamanta ima. Sayt'unman jisq'on metroyoj karqa, sayayninmantaj iskay metro cuartayoj. Patanman patioj cortinan jinallataj karqa.

Éxodo 39:29

Chumpitapis sumajnin kaj t'ullkusqa linomanta, anqa telamanta, puka panti telamanta, puka telamanta ima ruwarqanku, Tata Dios Moisesman kamachisqanman jina.

Ezequiel 16:10

May k'achitu awakipasqa p'achawan p'achallicherqayki, sumaj qaramanta ruwasqa juk'utatataj churarqayki. Linomanta awasqa chumpiwan chumpillicherqayki, may valorniyoj seda p'achawantaj p'achallicherqayki.

Éxodo 28:15

Pecheratapis unkuta jinallataj ruwanki. Pecherataqa imachus justiciata ruwanapaj tiyan, chaykunayojta ruwanki. Chantá qorimanta ruwasqa q'aytuwan k'acha pallayniyojta ruwanki, jinallataj anqa telamanta, puka pantimanta, pukamanta, t'ullkusqa linomanta ima ruwanki.

Éxodo 35:15

Chantá inciensota q'oshñichinapaj altarta ruwallanqankutaj, chay altarta wantunapaj k'aspikunata, jawispa t'aqanapaj aceiteta, k'achituta q'apaj inciensota, Dioswan Tinkukuna Toldoman yaykuna punkupi cortinata ima.

Éxodo 40:5

Jinallataj incienso q'oshñichina qorimanta altarta arcaj ñawpaqenman churanki. Chantá Dioswan Tinkukuna Toldo punkupi cortinata warkhunki.