Éxodo 25:21 - DIOSPA QHELQACHISQ

²¹ Chantá kirpanata arca pataman churanki. Arcaj ukhunmantaj rumipi noqaj qhelqasqay kamachisqakunata churanki.

Qheshwa Biblia DC

²¹ Chaymantaqa chay cajonta kirpaykuy. Chay ukhunmantaj leyta churaykunki, mayqenkunatachus noqa qosqayki chayta.

DIOSPA QHELQACHISQAN DEUTEROCANONICAL

²¹ Chantá kirpanata arca pataman churanki. Arcaj ukhunmantaj rumipi noqaj qhelqasqay kamachisqakunata churanki.

Éxodo 25:21 Referans Kwoze

Éxodo 26:34

Chaymantataj Diosllapaj T'aqasqa Cheqapi Arcaj kirpananta churanki.

Romanos 10:4

Chaywanpis kamachisqakunata imapajchus Dios churarqa, chayta Cristo junt'anña, ajinamanta Cristopi tukuy atinikojkuna Diospa ñawpaqenpi cheqan runapaj qhawasqa kananchejpaj.

Éxodo 16:34

Chantá Aaronqa Diospa arcanpa ñawpaqenman maná nisqayoj mankata churarqa, Tata Dios Moisesman kamachisqanman jina.

Éxodo 30:6

Kay altartaqa Diospa trato ruwasqan arcata, chantá kirpanantawan pakashan, chay veloj ñawpaqenman churanki. Chaypimin noqa qanwan tinkukusaj.

Éxodo 40:20

Chaymanta Moisesqa rumipi Diospa kamachisqan qhelqasqa karqa, chayta arcaman churaykorqa. Chantá arcaj ninrinkunamantaj k'aspita pasacherqa. Jinaspataj, kirpanawan arcata kirpaykorqa.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Levítico 16:13

Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Números 7:89

Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.

Números 17:4

4 (19) Chaymantataj chay varakunata Dioswan Tinkukuna Toldoman churanki. Diospa arcan kashan, chay chimpaman maypichus qankunawan tinkukuni, chayman churanki.

1 Reyes 8:9

Arcapeqa iskay p'alta rumikunalla kasharqa, Horebpi Moisespa churasqan. Chayqa Egiptomanta llojsimushajtinku israelitakunawan Diospaj trato ruwasqan karqa.

2 Crónicas 23:11

Tukuy ima wakichisqaña kajtin, Joyadawan churinkunawan ima kuraj kamachejpa churin Joasta orqhomuspa, pilluta umanman churaykorqanku. Chantá Diospa tratonmanta qhelqasqata payman jaywarqanku, umanman aceiteta jich'aykuytawan, kuraj kamachejpaj churarqanku. Qhaparerqankutaj: Kawsachun kuraj kamachej Joás, nispa.

Deuteronomio 10:5

Noqataj orqomanta urayk'amuspa, Tata Dios kamachiwasqanman jina, ruwasqay arcaman chay p'alta rumikunata churaykorqani. Kunankama chaypi kakushan, nispa.