Éxodo 24:8 - DIOSPA QHELQACHISQ

⁸ Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

Qheshwa Biblia DC

⁸ Moisestaj yawarta jap'iytawan runaspa patasninman ch'ajchorqa, nispa: Kay yawarqa Señorwan uj tratota ruwasqaykichejmanta, qankuna kay palabrasta Señorman nisqaykichejrayku, nispa.

DIOSPA QHELQACHISQAN DEUTEROCANONICAL

⁸ Chantá Moisés yawarta jap'iytawan, runakunata ch'ajchuspa, nerqa: Kay yawarwanmin Tata Diosqa qankunawan trato ruwasqanta sut'inchan, tukuy kay nisqaman jina, nispa.

Éxodo 24:8 Referans Kwoze

Éxodo 24:6

Moisestaj torillokuna ñak'asqaj yawarninmanta khuskanta jap'ispa, juch'uy ch'illamipi jallch'arqa. Khuskan yawarwantaj altar ruwasqanta ch'ajchorqa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

San Mateo 26:28

Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

1 Corintios 11:25

Ajinallatataj cenaytawankama copata jap'ispa, nerqa: Kay vinoyoj copaqa wañusqaywan uj mosoj tratota ruwasqayta sut'inchashan. Sapa kuti kay copamanta ujyaspa, noqamanta yuyarikunkichej, nispa.

Marcos 14:24

Jesustaj paykunata nerqa: Kaymin yawarneyqa, chaywantaj Dios qankunawan mosoj tratota ruwan. Kay yawartaj ashkha runarayku jich'asqa kanqa.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

San Lucas 22:20

Jinallatataj mikhojtinkukama, Jesús vinoyoj copata oqharispa, nerqa: Kay copapi vinoqa yawarniywan ninakun, chaywantaj Dios qankunawan mosoj tratota ruwan, chaytaj qankunarayku jich'asqa kanqa.

Zacarías 9:11

Tata Dios kayta nin: Jerusalén, yawarwan tratota ruwasqanchejrayku, pikunachus presochasqa kaspa mana yakuyoj ukhu t'oqoman wijch'uykusqa karqanku, chaykunata chaymanta orqhosaj.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Isaías 52:15

Ajinallatataj tukuy suyuta t'ukuchenqa. Kuraj kamachejkuna paypa ñawpaqenpi ni parlariytapis atenqankuchu, imaraykuchus mana jayk'aj rikusqankuta rikonqanku, jinataj mana jayk'ajpis uyarisqankuta entiendenqankuchu.

Levítico 8:30

Chantá Moisés jawina aceiteta, chantá altar patapi kashaj yawartawan oqharispa, Aaronta, churinkunatawan ima ch'ajchorqa. Jinallataj sacerdote p'achankutapis ch'ajchullarqataj. Ajinata Moisesqa Aaronta, churinkunata, chantá sacerdote p'achankutawan ima Tata Diospaj t'aqarqa.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Josué 24:25

Chay p'unchaypacha Sichem llajtapi Josuewan israelitakunawan uj tratota ruwarqanku. Chay tratopi ima kamachisqakunatachus junt'anankuta, chantá imaynatachus kawsanankuta nerqanku.

1 Reyes 8:9

Arcapeqa iskay p'alta rumikunalla kasharqa, Horebpi Moisespa churasqan. Chayqa Egiptomanta llojsimushajtinku israelitakunawan Diospaj trato ruwasqan karqa.

Salmos 78:36

Chaywanpis paykuna misk'i simillankuwan Diosta parlapayaj kanku, llullakoj ima kanku.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Deuteronomio 5:2

Tata Diosninchejqa noqanchejwan uj tratota Horeb orqopi ruwarqa.

1 Reyes 8:21

Chaypitaj Tata Diospa arcanpaj uj cheqata wakichini, Egiptomanta llojsimushajtinku Diosqa ñawpa tatanchejkunawan trato ruwasqan, chay arcapaj.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Hageo 2:5

Tata Dios nillantaj: Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu, nispa.