Éxodo 24:7 - DIOSPA QHELQACHISQ

⁷ Jinaspataj, trato ruwasqamanta qhelqata runakunaj uyarinankuta ñawirerqa. Runakunataj nerqanku: Noqaykoqa Tata Diospa tukuy kamachisqanta kasusqayku, nispa.

Qheshwa Biblia DC

⁷ Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.

DIOSPA QHELQACHISQAN DEUTEROCANONICAL

⁷ Jinaspataj, trato ruwasqamanta qhelqata runakunaj uyarinankuta ñawirerqa. Runakunataj nerqanku: Noqaykoqa Tata Diospa tukuy kamachisqanta kasusqayku, nispa.

Éxodo 24:7 Referans Kwoze

1 Tesalonicenses 5:27

Noqa Tukuyta Kamachej Jesuspa sutinpi kamachiykichej kay cartata Diosta tukuy qhatejkunaman ñawirinaykichejta.

Colosenses 4:16

Chantá qankuna kay cartata ñawirispa, Laodiceaman apachiychej, paykunapis ñawirinankupaj. Laodiceapi kajkunaman apachisqay cartata apachimojtinkutaj, qankunapis ñawirillaychejtaj.

Hechos 13:15

Chantá tantakuna wasipi kurajkuna Moisespa kamachisqanmanta qhelqasqata, Diosmanta sut'inchajkunaj qhelqasqankuta ima tukuypa uyarinanta ñawirerqanku. Jinaspataj, Pablotawan Bernabetawan nicherqanku: Wawqekuna, sichus imallatapis niyta munawajchej kay runakunaj sonqonkuta oqharinaykichejpaj chayqa, kunan parlayta atinkichej, nispa.

Éxodo 19:8

Chayta uyarispataj, tukuynin israelitakuna uj kunkalla nerqanku: Tata Diospa tukuy nisqanta kasusqayku, nispa. Moisestaj orqoman kutispa, israelitakuna imatachus nisqankuta Tata Diosman willamorqa.

Josué 24:24

Israelitakunataj Josueta nerqanku: Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa.

1 Reyes 8:9

Arcapeqa iskay p'alta rumikunalla kasharqa, Horebpi Moisespa churasqan. Chayqa Egiptomanta llojsimushajtinku israelitakunawan Diospaj trato ruwasqan karqa.

Salmos 50:5

Dios nin: Noqata kasuwajkunata tantaychej, pikunachus uywa ñak'asqata jaywaspa, noqawan tratota ruwajkunata, nispa.

Salmos 78:36

Chaywanpis paykuna misk'i simillankuwan Diosta parlapayaj kanku, llullakoj ima kanku.

Jeremías 34:13

Noqa Tata Dios, Israelpa Diosnin ñawpa tataykichejkunawan uj tratota ruwarqani, maypachachus Egiptopi wata runa kashajtinku paykunata orqhomorqani, chaypacha.

Jeremías 42:6

Tata Diospa nisqan allinpis kachun manapis, nisqanta kasusqaykupuni, pimanchus parlanaykita nerqayku, chayta, jinamanta allin rinawaykupaj, nispa.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Malaquías 2:10

Manachu tukuyninchej uj tatayojlla kanchej? Manachu uj Dioslla tukuyninchejta ruwawarqanchej? Jina kajtin, imajtintaj ujkuna ujkuna q'otiyanakunchej, ajinamanta ñawpa tatanchejkunawan Diospa ruwasqan tratota p'akispari?

2 Crónicas 15:14

Chaytaj Tata Diosman tilorqanku, jatunmanta parlaspa, kusiywan qhaparispa, cornetakunata, pututukunatawan waqarichispa.