Éxodo 24:18 - DIOSPA QHELQACHISQ

¹⁸ Moisestaj phuyu ukhuman yaykuspa, orqoman wicharerqa. Chaypitaj payqa tawa chunka p'unchayta, tawa chunka tutatawan qhepakorqa.

Qheshwa Biblia DC

¹⁸ Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.

DIOSPA QHELQACHISQAN DEUTEROCANONICAL

¹⁸ Moisestaj phuyu ukhuman yaykuspa, orqoman wicharerqa. Chaypitaj payqa tawa chunka p'unchayta, tawa chunka tutatawan qhepakorqa.

Éxodo 24:18 Referans Kwoze

Deuteronomio 9:9

Noqa chay orqoman iskay p'alta rumipi qhelqasqa kamachisqakunata Tata Diosmanta jap'ej wicharerqani, qankunawan Tata Dios tratota ruwarqa, chaykunata. Chaypitaj mana mikhuspa, nitaj imatapis ujyaspa, tawa chunka p'unchayta, tawa chunka tutatawan qhepakorqani.

Deuteronomio 10:10

Noqaqa ñawpaj kutipi jina, tawa chunka p'unchayta, tawa chunka tutatawan orqopi kamorqani. Chay kutipipis Tata Dios uyariwaspa, manaña qankunata wañuchispa chinkachiyta munarqachu.

Éxodo 34:28

Chantá Moisesqa Tata Dioswan tawa chunka p'unchayta, tawa chunka tutatawan chaypi qhepakorqa, mana imata mikhuspa, nitaj imata ujyaspa. Chaypi Moisesqa tratomanta chunka kamachisqakunata iskay p'alta rumipi qhelqarqa.

Deuteronomio 9:25

Tata Dios qankunata wañuchinanta nisqanrayku, noqa tawa chunka p'unchayta, tawa chunka tutatawan paypa ñawpaqenpi qonqorikuspa karqani.

Deuteronomio 9:18

Chaymantataj Tata Diospa ñawpaqenman pampakama k'umuykukorqani. Chantá ñawpajta jina, tawa chunka p'unchayta, tawa chunka tutatawan mana mikhuspa, nitaj imatapis ujyaspa karqani. Qankuna chay jinata Tata Diospa contranta juchallispa phiñachisqaykichejmanta chayta ruwarqani.

San Lucas 4:2

Chaypeqa tawa chunka p'unchay junt'ata Kuraj Supayqa Jesusta juchallichiyta munarqa. Chay chhika p'unchaypi mana imata mikhusqanraykutaj Jesús yarqhachikorqa.

Marcos 1:13

Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.

San Mateo 4:2

Chaypitaj Jesusqa tawa chunka p'unchayta, tawa chunka tutatawan mana mikhusqa kaspa, sinch'ita yarqhachikorqa.

1 Reyes 19:8

Puñusqanmanta rijch'ariytawantaj, Elías mikhorqa, ujyarqataj. Jinapi chay mikhusqanwan kallpachakuspa, tawa chunka p'unchayta, tawa chunka tutatawan purerqa, Diospa orqon Horebman chayanankama.

Éxodo 24:17

Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

Éxodo 19:20

Chantá Tata Diosqa Sinaí orqo pataman urayk'amorqa. Jinaspataj Moisesta orqo pataman wicharinanpaj wajyarqa. Paytaj rerqa.

Éxodo 9:33

Moisesqa faraonpa qayllanmanta llojsispa, llajtamanta jawaman rerqa. Chantá makinta oqharispa, Tata Diosmanta mañakorqa. Jinataj chaypacha illapakuna, chijchi parawan ima thañiporqanku. Jinamanta illapakuna manaña karqachu.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Proverbios 28:1

Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

Éxodo 25:1

Tata Dios Moisesta nerqa:

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

1 Reyes 19:11

Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

Deuteronomio 5:31

Qanrí kaypi noqawan qhepakuy. Noqa tukuy kamachisqaykunata, yachachiykunata, yuyaychaykunata ima qanman nisqayki, qantaj paykunaman yachachinki, qosqay jallp'api tiyakushaspa junt'anankupaj, nispa.