Éxodo 23:8 - DIOSPA QHELQACHISQ

⁸ Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

Qheshwa Biblia DC

⁸ Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

DIOSPA QHELQACHISQAN DEUTEROCANONICAL

⁸ Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

Éxodo 23:8 Referans Kwoze

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

Isaías 5:23

Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Proverbios 15:27

Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.

Eclesiastés 7:7

Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Proverbios 17:8

Pichus lluk'iyta yachajqa atiyniyoj kasqanta yuyakun, imajtinchus imata ruwasqanpi allillan rin.

Salmos 26:10

Paykunaj makinkoqa millayta ruwanawan, lluk'ita jap'isqankuwan ima junt'a kashan.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Proverbios 19:4

Qhapaj runaqa ashkha kawsaqekunayoj. Wajcha runajtarí mana ni uj kawsaqellanpis kanchu.

Oseas 4:18

Tukuyninku machasqa jina urmarqanku. Mana sayk'uyta khuchichakorqanku, aswanpis p'enqaypi kayta munarqanku jatunpaj qhawasqa kanamanta nisqaqa.

Isaías 1:13

Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Salmos 15:5

Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 5:22

Imallachus kanqa qankunawan vinota ujyanapaj wapu kajkuna. Qankunataqa ni pipis machana ujyanata wakichiypi atipasunkichejchu.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.