Éxodo 23:25 - DIOSPA QHELQACHISQ

²⁵ Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Qheshwa Biblia DC

²⁵ Señor Diosniykita yupaychanki. Pay bendicenqa t'antaykita, yakuykitawan. Noqa tukuy onqoykunata qankuna ukhumanta orqhosaj.

DIOSPA QHELQACHISQAN DEUTEROCANONICAL

²⁵ Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Éxodo 23:25 Referans Kwoze

Deuteronomio 7:15

Tata Diosqa tukuy imaymana onqoykunata qankunamanta karunchanqa. Egiptopi rikorqankichej, chay millay onqoykunata mana qankunaman apachimonqachu. Manachayqa chejnikusojkunata chaykunawan ñak'arichenqa.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Josué 22:5

Chaywanpis kayllata mañakuykichej: Tata Diospa kamachin Moisés imatachus kamachisusqanta sumajta junt'aychej. Tata Diosniykichejta munakuychej, munasqanta ruwaspataj, puriychej. Kamachisqantapis kasuychejpuni. Jinataj tukuy sonqowan, tukuy kayniykichejwan ima munaynintapuni ruwaychej, nispa.

Isaías 33:24

Mana pipis nenqachu: Onqosqa kani, nispa. Manachayqa Tata Diosqa Sión llajtapi tiyakojkunaj juchankuta pampachanqa.

Salmos 103:3

Paymin tukuy millay ruwasqayta pampachan, tukuy onqoymantapis thañichiwan.

Deuteronomio 7:13

Qankunata munakusonqachej, yanapasonqachej, ashkhatataj mirachisonqachej. Ñawpa tataykichejkunaman tiluspa qonanta nerqa, chay jallp'api wawaykichejkunata saminchanqa. Jinallataj chajra oqharisqaykichejta, trigoykichejta, vinoykichejta, aceiteykichejta, waka uñaykichejta, oveja uñaykichejtapis saminchallanqataj.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa jatunta juchallerqankichej. Chaywanpis Tata Diosmanta ama t'aqakuychejchu, manachayqa tukuy sonqowan Tata Diosta yupaychaychej.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Josué 24:21

Israelitakunatajrí Josueta nerqanku: Mana chayta ruwasqaykuchu. Noqaykoqa Tata Diosllatapuni kasuspa purisqayku, nispa.

Deuteronomio 13:4

4 (5) Qankunaqa Tata Diosniykichejta qhatikuspa, payllata yupaychaychej. Kamachisqanta junt'aychej, paypa nisqantataj uyariychej. Payllaman k'askakuychej, amataj payta wasanchaychejchu.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

Josué 24:24

Israelitakunataj Josueta nerqanku: Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa.

Malaquías 3:10

Noqa Tukuy Atiyniyoj Tata Diosmin niykichej: Kapuyniykichejmanta sapa chunkamanta ujta Temployman apamuychej, wasiypi mikhuna kananpaj. Ajinatachus ruwankichej chayqa, rikunkichej imaynatachus noqa janaj pachaj ventananta kicharispa, may chhika saminchaykunata parachimunaykichejta. Ruwaychej má, chantá rikunkichej.

Isaías 33:16

Chay runamin ni imamanta manchachikuspa kawsanqa, pakakunanpis chhankapi jina kanqa. Mikhunanwan, ujyanan yakuwanqa mana tukukonqachu.

1 Samuel 12:24

Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Levítico 11:44

Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Eclesiastés 5:20

20 (19) Dios chay jinatapuni kusichisqanrayku, runaqa kawsananmanta mana llakikunchu.

Daniel (hebreo) 1:15

Chunka p'unchayninmantaj paykuna, aswan allin rijch'ayniyoj, aswan kallpasapataj karqanku, pikunachus kuraj kamachejpa mikhunanmanta mikhorqanku, chay waynakunamanta nisqaqa.