Éxodo 23:24 - DIOSPA QHELQACHISQ

²⁴ Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Qheshwa Biblia DC

²⁴ Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki.

DIOSPA QHELQACHISQAN DEUTEROCANONICAL

²⁴ Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 23:24 Referans Kwoze

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Números 33:52

tukuy chaypi tiyakojkunata qharqoychej. Phiriychejtaj rumimanta ruwasqa, chantá metalmanta ruwasqa lantinkunata. Orqo patapi lanti yupaychana cheqakunatapis thuñiychej.

Deuteronomio 12:3

Altarninkuta thuñinkichej, yupaychana ruminkuta p'akinkichej. Yupaychana k'ullunkutapis ninawan ruphaykuchinkichej, diosninkoj lantintapis p'akirankichej. Ajinata ruwaspa, chaynejmanta lantinkoj sutinkuta chinkachinkichej.

Deuteronomio 7:5

Chayrayku qankunaqa kayta ruwanaykichej tiyan: Chay runakunaj altarninkuta thuñinkichej, yupaychana ruminkuta, yupaychana k'ullunkutawan ima p'akirankichej. Jinallataj lantinkutapis ninawan ruphaykuchinkichej.

2 Crónicas 33:9

Chantá Manasesqa astawan millayta ruwaspa, israelitakunata mana allin ñanman tanqaykorqa. Tata Dios ñawpajta israelitakunaj ñawpaqenkumanta chay cheqakunapi tiyakojkunata wijch'usqa, chaykunamantapis astawan millaytaraj ruwarqanku.

Levítico 18:3

Qankunaqa Egiptopi tiyakorqankichej ajinaqa, ama paykuna jinallataj ruwankichejchu. Jinallataj Canaanman pusashaykichej chaypipis, imatachus paykuna ruwayta yachasqanku, chayta amallataj ruwankichejchu, nillataj usunkuman jina kawsankichejchu.

Éxodo 32:20

Waka uña lanti ruwasqankutataj jap'iytawan, ninaman wijch'uspa unuyacherqa. Chaymantataj lantita ñut'uta kutaspa, yakuman jich'aykorqa. Jinaspataj, chay yakuta israelitakunaman ujyacherqa.

Ezequiel 16:47

Qantaj paykunamanta yachakuspa purerqanki, paykuna jina millachikunapaj ruwaspa. Chaywanpis mana sajsaspa, paykunamanta aswan millaytaraj ruwarqanki.

Salmos 101:3

Ni jayk'aj mana allin kajta qhawasajchu. Noqaqa Diosmanta karunchakojkunaj ruwasqankuta chejnikuni, paykunawantaj mana ni ima ruwanay kanchu.

2 Crónicas 33:2

Payqa mana Tata Diospa munayninman jinachu ruwarqa. Aswanpis Israelpa muyuyninmanta wijch'usqan suyukunapi tiyakojkunaj chay millay ruwasqankuta ruwarqa.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Éxodo 23:32

Ama paykunawanqa ni ima tratota ruwankichejchu, nitaj diosninkuwanpis.

Éxodo 23:33

Paykunatachus llajtaykipi tiyakojta saqellanki chayqa, noqaj contrayta juchallichisunkiman. Ama llajtaykipi jap'ikuychu, imaraykuchus diosninkuta yupaychanaman qokuwaj, chaytaj llakiynillaykipaj kanman, nispa. Ajinata Tata Dios israelitakunata nerqa.

Levítico 26:1

Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.

2 Reyes 3:2

Payqa mana Tata Diospa munasqanman jinachu purerqa. Chaywanpis mana tatan maman jinapunichu ruwarqa, imaraykuchus payqa tatanpa rumimanta ruwachisqan Baal lantita wijch'orqa.

2 Reyes 18:4

Payqa orqo patapi waj dioskunata yupaychana altarkunata thuñiykorqa, rumimanta lantikunata p'akerqa, k'ullumanta ruwasqa lantikunapis llant'arparerqa. Jinallataj Moisespa broncemanta ruwasqan kataritapis p'akillarqataj, imajtinchus israelitakunaqa chay katarita diosta jina qhawaspa, inciensota q'oshñicherqanku. Jinataj broncemanta katarita Nejustán, nispa suticharqanku.

Éxodo 20:3

Noqamanta jawa ama waj dioskuna kapusuchunchu.

Números 25:2

Chay warmikunaqa lantinkuman uywa ñak'asqata jaywana raymiman israelitakunata wajyarqanku. Israelitakunataj moabitakunaj lantinkoj sutinpi wayk'usqa mikhunata mikhuysikorqanku, paykunaj diosninkutataj yupaycharqanku.

2 Reyes 17:8

Chantá Tata Dios paykunaj ñawpaqenkumanta wijch'usqa, chay runakunaj usunkuta ruwallarqankutaj. Jinallatataj Israel suyuta kuraj kamachejkuna, ima usutachus apaykamorqanku, chaytapis ruwallarqankutaj.

2 Reyes 17:11

Jinallataj inciensota q'oshñicherqanku, pikunatachus Tata Dios paykunaj ñawpaqenmanta wijch'usqa, chaykuna jinallataj q'oshñicherqanku. Israelitakunaqa ancha millayta ruwaspa, Tata Diosta k'arajta phiñacherqanku.

2 Crónicas 14:2

2 (1) Asaj ruwasqanqa Tata Diospa munasqanman jina cheqan karqa.

2 Crónicas 25:14

Amasiasqa Edommanta kajkunata atipaykusqanmanta kutimpushaspa, Seirpa diosninkunata apakamporqa. Chaytataj yupaycharqa, inciensotapis q'oshñicherqa, diosninkupaj jina rejsikapuspa.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.