Éxodo 23:20 - DIOSPA QHELQACHISQ

²⁰ Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

Qheshwa Biblia DC

²⁰ Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman.

DIOSPA QHELQACHISQAN DEUTEROCANONICAL

²⁰ Noqa angelniyta kachamusaj, ñanta rishajtiyki waqaychasunanpaj, qankunapaj wakichipusqay jallp'amantaj chayachisunaykichejpaj.

Éxodo 23:20 Referans Kwoze

Éxodo 33:14

Chantá Tata Dios Moisesta nerqa: Noqa kikiy qanwan risaj, samarichisqaykitaj, nispa.

Salmos 91:11

Payqa angelninkunata kamachenqa, maymanpis rejtiyki waqaychasunankupaj.

Éxodo 32:34

Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Éxodo 14:19

Chantá Diospa angelnin, pichus israelitakunaj ñawpaqenkuta risharqa, pay qhepankumanñataj rerqa. Jinallataj ñawpaqenkuta rishaj phuyupis kutirimuspa, qhepankuman rillarqataj.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Éxodo 33:2

Noqataj angelniyta kachamusaj qanta pusasunanpaj. Chantá cananeokunata, amorreokunata, jititakunata, ferezeokunata, heveokunata, jebuseokunata ima kay jallp'amanta qharqosaj.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Juan 14:3

Rispaqa, noqa qankunapaj uj cheqata wakichimusaj. Chantá qankunata pusaj kutimusaj, maypichus noqa kashani, chaypi noqawan khuska kanaykichejpaj.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Josué 6:2

Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.

Números 20:16

Chantá Tata Dios yanaparinawaykuta mañarikorqayku. Paytaj mañakusqaykuta uyarispa, Egiptomanta orqhonawaykupaj angelninta kachamorqa. Kunanqa jallp'aykiwan tinkuypi, Cades llajtapi kashayku.

Josué 5:13

Uj kuti, Josueqa Jericó qayllapi kashaspa, ñawpaqenpi uj runata espada jap'irisqata rikorqa. Josuetaj qayllaykuspa, taporqa: Qanqa noqaykojmantachu kanki, chayrí awqaykojmantachu? nispa.

Éxodo 15:17

Tata Diosníy, Qanpaj ajllakusqayki orqoman pusawasqayku, chaypitaj wiñaypaj tiyachiwasqayku. Qan kikiykimin chayta wakicherqanki. Qanmin wasiykita ruwarqanki.

Génesis 48:16

Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Génesis 24:40

Paytaj niwarqa: Noqaqa Tata Diosta kasuspa purini. Chayrayku paymin angelninta qanta yanapasunanpaj kachamonqa, kay risqaykipi allin risunanpaj. Qanqa aylluy ukhumanta churiypaj uj warmita pusamunki.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Éxodo 23:23

Angelniy ñawpaqeykichejta rispa, amorreoj suyunman pusaykusonqachej, jinallataj jeteoj suyunman, ferezeojpaman, cananeojpaman, heveojpaman, jebuseojpaman ima pusaykullasonqachejtaj. Noqa paykunata ni uj puchuyojta chinkachisaj.

Números 22:22

Balaamqa burronpi rerqa, iskay kamachinkunatawan pusarikuspa. Tata Diosrí Balaam risqanmanta phiñakuspa, ñanpi jark'ananpaj angelninta kachamorqa.

Deuteronomio 33:2

Tata Diosqa Sinaimanta jamorqa. Seirmantapacha k'anchamorqa, Parán orqomantataj lliphipimorqa. Cades Meribamantapacha jamushan, paña makinpi kamachisqankunata ninata jina aparisqa. Waranqa waranqa ajllasqakunawan ima jamushan.

Josué 23:5

Qankuna qhawashajtiykichej, Tata Diosniykichejqa chay jallp'api tiyakojkunata wijch'ullanqataj, qankunataj chay jallp'ata jap'ikapunkichej, imaynatachus Tata Diosniykichej nerqa, chayman jina.

Josué 5:14

Chay runataj nerqa: Ni mayqenmanta, noqaqa Tata Diospa soldadonkunata kamachej jina jamuni, nispa. Chantá Josueqa pampakama k'umuykuspa, taporqa: Imatataj kunan Tata Dios kamachiyta munashawanri? nispa.

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.