Éxodo 23:2 - DIOSPA QHELQACHISQ

² Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

Qheshwa Biblia DC

² Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa.

DIOSPA QHELQACHISQAN DEUTEROCANONICAL

² Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

Éxodo 23:2 Referans Kwoze

Proverbios 1:15

Wawáy, paykunawanqa amapuni puriychu. Manachayqa millayta ruwaspa purejkunamanta karunchakuy,

Job 31:34

runata manchachikusqayrayku. Aylluy pisipaj qhawanawankuta manchachikuspataj, ni jayk'aj wisq'aykukuspa ch'inlla karqanichu.

Deuteronomio 1:17

Justiciata ruwaspaqa, ama uyanta qhawaspachu ruwankichej. Pisi tiyapuyniyojtapis, qhapajtapis uj rejta justiciata ruwankichej. Ama pitapis manchachikuychejchu, imaraykuchus justiciaqa Diospatamin. Sichus imamanta queja cheqanchay mana atina chayamusunkichejman chayqa, noqaman apamuwaychej. Noqataj justiciata ruwasaj, nispa.

San Lucas 23:51

Kay Joseqa mayta suyasharqa Dios kamachiyta qallarinanta. Paytaj mana khuskachakorqachu kurajkuna imatachus Jesusmanta yuyasqankuwan, nitaj ruwasqankuwanpis.

Marcos 15:15

Ajinapi Pilatoqa runakunaman allin rijch'ayta munaspa, Barrabasta kacharicherqa. Chaymantataj Jesusta jasut'ichispa, soldadonkunaman jaywaykorqa cruzman chakatanankupaj.

Proverbios 4:14

Ama mana allinta ruwajkunaj qhepankuta riychu, amataj millayta purejkunata qhatiychu.

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Hechos 25:9

Kamachej Festorí judiokunaman allinta rijch'ayta munaspa, Pablota taporqa: Qan Jerusalenman riyta munawajchu, chaypi kay imakunamanta noqa juzgasunaypaj? nispa.

Hechos 24:27

Jinapis judiokunaman allin rijch'ayta munaspa, Felixqa mana Pablota carcelmanta kacharicherqachu. Iskay watanmantaj, Felixpa cuentanmanta Porcio Festo sutiyojñataj kamachinanpaj yaykorqa.

Jeremías 38:9

Wiraqochíy, chay runakuna imatachus Diosmanta sut'inchaj Jeremiasta ruwasqankoqa mana walejchu. Paykunaqa uj pujyuman payta wijch'uykunku, chaypitaj yarqhaywan wañonqa, imaraykuchus llajtapi mikhuna mana kanñachu, nispa.

Jeremías 37:21

Chantá kuraj kamachej Sedequías kamacherqa Jeremías kuraj kamachejpa wasinta qhawajkunaj pationpi wisq'asqa kananta. Kamachillarqataj sapa p'unchay t'antata ruwajkunamanta payman t'antata jaywanankuta, llajtapi t'anta kanankama. Ajinata chay llajtapi t'anta tukukunankama ruwarqanku. Ajinatamin Jeremías kuraj kamachejpa wasinta qhawajkunaj pationpi qhepakorqa.

Jeremías 37:15

Chay kurajkunataj manchayta Jeremiaspaj phiñakorqanku, kamacherqankutaj seq'oytawan Jonatanpa wasinman wisq'aykamunankuta. Jonatanqa kuraj kamachejpa qhelqerin karqa, paypa wasintataj carcelman tukuchisqanku.

Salmos 72:2

Payqa cheqan justiciata ruwaspa aylluykita kamachichun, jinallataj pisi tiyapuyniyojkunata yanapachun.

Levítico 19:15

Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Génesis 19:4

Chaywanpis manaraj puñushajtinku, Sodoma llajtamanta qharikuna, maltun waynakuna, machu runakunantin ima Lotpa wasinta muyuykorqanku.

Génesis 6:12

imajtinchus tukuy runakuna allintapuni millayta purinaman qokapusqanku. Kay pachapi millayta ruwaspa purina anchañapuni kasqanta Tata Dios rikorqa.

Romanos 1:32

Paykunaqa Diospa juicionmanta yachashaspa, yachallankutaj pichus chaykunata ruwajkunaqa wañunankupaj juchachasqa kanankuta. Ajina kananta yachashaspapis, paykuna mana chaykunata ruwallankuchu, aswanpis chay jina millayta ruwajkunawan kusikunkuraj.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Hageo 1:4

Kunanchu tiempo kashan, sumaj ruwasqa wasipi tiyarikunaykichejpaj, Temploy thuñisqallaraj kashajtin?

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.

Proverbios 18:5

Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

1 Samuel 15:24

Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.