Éxodo 23:13 - DIOSPA QHELQACHISQ

¹³ Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Qheshwa Biblia DC

¹³ Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

DIOSPA QHELQACHISQAN DEUTEROCANONICAL

¹³ Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Éxodo 23:13 Referans Kwoze

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

1 Timoteo 4:16

Qan imaynatachus purisqaykita allinta qhawakuy, jinallataj wajkunaman imatachus yachachisqaykitapis. Chantá imachus cheqan kajpi sinch'ita sayay qhespichisqa kasqaykej allinninpaj, jinallataj uyarisojkunapis qhespichisqa kanankupaj.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Oseas 2:17

17 (19) Siminmanta qhechusaj Baal sutita oqharisqanta, nitaj jayk'aj sutillantapis oqharenqañachu.

Deuteronomio 12:3

Altarninkuta thuñinkichej, yupaychana ruminkuta p'akinkichej. Yupaychana k'ullunkutapis ninawan ruphaykuchinkichej, diosninkoj lantintapis p'akirankichej. Ajinata ruwaspa, chaynejmanta lantinkoj sutinkuta chinkachinkichej.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Salmos 16:4

Pikunachus waj diospa qhepanta purejkunapajrí, ñak'ariykuna astawan yapakonqa. Chaywanpis noqaqa ni jayk'aj chay lantikunaman uywa ñak'asqa jaywanata jaywasajchu, nitaj lantikunaj sutinkutapis oqharisajchu.

Josué 23:11

Chayrayku qankunaqa imaynatachus purisqaykichejta allinta qhawakuychej, jinataj Tata Diosniykichejta munakuychej.

Josué 22:5

Chaywanpis kayllata mañakuykichej: Tata Diospa kamachin Moisés imatachus kamachisusqanta sumajta junt'aychej. Tata Diosniykichejta munakuychej, munasqanta ruwaspataj, puriychej. Kamachisqantapis kasuychejpuni. Jinataj tukuy sonqowan, tukuy kayniykichejwan ima munaynintapuni ruwaychej, nispa.

Efesios 5:12

Chay millay runakunaj pakaypi ruwasqankumanta parlayllapis ancha p'enqaymin.

Salmos 39:1

1 (2) Noqa nerqani: Allinta qhawaspa imatapis ruwasaj, ama simiywan juchallikunaypaj. Millayta ruwaj runa ñawpaqeypi kanankama, simiyta watakusaj, nispa.

Deuteronomio 4:15

Maypachachus Tata Dios Horeb orqopi nina chawpimanta parlamusorqachej chaypacha, imayna rijch'ajchus kasqanta mana rikorqankichejchu. Chayrayku ari, sumajta qhawakuychej.

Números 32:38

Nebota, Baal Megonta, Sibematawan ima. Watej sayarichisqanku llajtakunataqa waj sutiwan suticharqanku.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 23:32

Ama paykunawanqa ni ima tratota ruwankichejchu, nitaj diosninkuwanpis.

Deuteronomio 4:23

Allinta qhawakuychej, Tata Diosniykichej qankunawan tratota ruwasqanta ama qonqanaykichejpaj. Ama ni imaman rijch'akoj lantita ruwakunkichejchu. Tata Diosniykichejqa lantikunata ruwakunaykichejta mana munanchu.

Deuteronomio 6:1

Kaymin kamachisqakuna, yachachiykuna, yuyaychaykuna ima kanku. Chaykunata Tata Diosniykichej qankunaman yachachinaypaj kamachiwarqa, jap'inkichej chay jallp'api junt'anaykichejpaj.