Éxodo 22:29 - DIOSPA QHELQACHISQ

²⁹ 29 (28) Chajra poqoyta oqharisqaykimanta, jinataj vinota ruwasqaykimanta ofrenda qonawaykita ama qonqankichu. Jinallataj kuraj kaj churiykitapis qopullawankitaj.

Qheshwa Biblia DC

²⁹ Ama qonqankichu cosechasniykimanta ofrendata apamuyta, manachayqa usqhayta apamunki, jinallataj uvasniykimantapis. Chantaqa kuraj kaj wawaykita qopuwanki.

DIOSPA QHELQACHISQAN DEUTEROCANONICAL

²⁹ 29 (28) Chajra poqoyta oqharisqaykimanta, jinataj vinota ruwasqaykimanta ofrenda qonawaykita ama qonqankichu. Jinallataj kuraj kaj churiykitapis qopullawankitaj.

Éxodo 22:29 Referans Kwoze

Éxodo 23:16

Chantá tukuy tarpusqaykichejmanta Ñawpaj Kaj Poqojta Oqharina raymitapis ruwallankichejtaj. Jinallataj Chajra Poqoyta Oqharina Tukukuy raymitapis.

Éxodo 13:2

Tukuy kuraj kaj qhari wawakunata noqapaj t'aqapuwankichej. Israelitakunamanta tukuy kuraj kaj churikuna, jinallataj uywamanta tukuy phiwi uñakuna noqajtamin kanqanku, nispa.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

Éxodo 23:19

Jallp'aykej ñawpajta poqosqanmanta sumajnin kajta Tata Diosniykej wasinman apamunki. Cabra uñataqa ama mamanpa lechenpi chayachinkichu.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

Éxodo 34:19

Tukuy kuraj kaj qhari wawaqa noqajta kanqa. Jinallataj wakamanta, ovejamanta phiwi uña, orqo kajtenqa, noqajllatataj kanqa.

Éxodo 13:12

qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

2 Crónicas 31:5

Kuraj kamachejpa kamachisqan willakojtinkama, israelitakunaqa tukuy sonqo ñawpaj kaj poqoykunamanta qorqanku: Trigota, aceiteta, vinota, abeja misk'ita, chajrankumanta tukuy poqoykunatawan. Jinallatataj tukuy kapuyninkumanta sapa chunkamanta ujta apamorqanku. Apamusqankutaj may ashkhapuni karqa.

2 Reyes 4:42

Waj kuti uj runa Baal Salisamanta jamuspa, wayaqanpi mosoj cebadamanta iskay chunka t'antata Diosmanta sut'inchaj Eliseopaj apamorqa. Chaypachallaraj ruthusqa trigotapis espigantillanta apamullarqataj. Chantá Eliseo nerqa: Kay runakunaman jaywaychej mikhunankupaj, nispa.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

Éxodo 34:20

Munaspaqa burroj phiwi uñaj cuentanmanta uj corderota chayrí uj chivituta qonkichej. Manachus kacharichinkichej chayrí, burro uñata kunkanmanta q'ewispa wañuchinkichej. Tukuy kuraj kaj churiykichejpa cuentanmantarí preciota pagaspa kacharichinaykichej tiyan. Manapuni pipis noqaman ch'usaj makillaqa jamuwanqachu.

Números 18:13

Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.

Levítico 22:27

Waka uña, oveja uña, chayrí chivitupis qanchis p'unchayta mamanwan qhepakonqa. Pusaj p'unchayninman kaymantaj chay uywata q'olachispa noqa Tata Diosman jaywawankichej.

Deuteronomio 15:19

Tukuy phiwi orqo uñata, wakamanta, ovejamanta ima Tata Diosniykiman qonaykipaj t'aqanki. Phiwi torillota ama llank'achinkichu, amallataj phiwi corderoj millmanta ruthunkichu.