Éxodo 22:22 - DIOSPA QHELQACHISQ

²² 22 (21) Ama warmisapakunata nitaj wajcha wawakunatapis waqachinkichejchu.

Qheshwa Biblia DC

^22-24 Ama ni mayqen viudata, nitaj wajcha wawatapis llakichinkichejchu. Sichus qankuna llakichinkichej, noqamantaj willakuwanqanku chayqa, paykunata uyarisaj. Phiñakuyniytaj qankunaj contraykichejta k'ajarenqa, espadawantaj wañurachisqaykichej, chantaqa warmisniykichej viudas qhepakonqanku, wawasniykichejpis mana tatasniyoj qhepakonqanku.

DIOSPA QHELQACHISQAN DEUTEROCANONICAL

²² 22 (21) Ama warmisapakunata nitaj wajcha wawakunatapis waqachinkichejchu.

Éxodo 22:22 Referans Kwoze

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Zacarías 7:10

Ama ñak'arichiychejchu warmisapakunata nitaj wajcha wawakunatapis, nitaj waj llajtayojkunata, nillataj pisi tiyapuyniyojtapis. Amallataj yuyallaychejpischu runa masiykichejpa contranpi mana allinta ruwayta, nispa.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.

Deuteronomio 10:18

Payqa wajcha wawapaj, warmisapapajpis justiciata ruwan. Jinallataj waj llajtayojkunata munakuspa, p'achata, mikhunata ima paykunaman qon.

Deuteronomio 24:18

Qankunaqa Egiptopi wata runa kasqaykichejta, chantá Tata Diosniykichej chaymanta preciota pagaspa kacharichisusqaykichejta ima ama qonqankichejchu. Chayrayku kay tukuy imata junt'anaykichejta noqa kamachiykichej.

Job 31:16

Wajchakuna mañakuwasqankuta qorqanipuni, nitaj warmisapakuna mikhunamanta jina wañojta qhawakullarqanichu.

Proverbios 23:10

Ama ñawpa mojonkunata suchuchinkichu, nitaj wajcha wawakunaj jallp'ankumanpis yaykukapunkichu.

Proverbios 23:11

Paykunata jark'akoj Diosqa manchay atiyniyojmin, paykunata jark'akuspataj, contraykipi sayaykonqa.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 7:7

Ajinata ruwajtiykichej, noqa saqesqaykichej kay jallp'api tiyakojta, mayqentachus ñawpa tataykichejman wiñaypaj qorqani, chay jallp'api.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Deuteronomio 15:9

Ama sonqoykipi mana allin kajta yuyankichu: Qanchis kaj wata chayamushanña, manu qonqapuna wata, nispa. Ajinata yuyaspa, qanqa pisichikoj llajta masiykita sajra ñawiwan qhawawaj, manataj mañariyta munawajchu. Manachus mañariwaj chayqa, pay Tata Diosman qanpa contraykita qhaparikuyta atinman, qantaj juchachasqa kawaj.

Job 34:28

Paykunaqa wajchakunata, pisichikojkunata ima waqacherqanku, chay waqasqankutaj Diosman chayarqa, paytaj uyarerqa.

Salmos 10:14

Qanqa phiñakunapaj jina mana allin ruwasqankuta rikorqanki, imatachus ruwasqankuman jinataj pagonkuta qopunki. Mana kutichikuyta atejkuna qanllapi atinikusunku. Qanllamin wajcha wawakunata yanapajqa kanki.

Salmos 34:7

7 (8) Tata Diospa angelnenqa Diosta jatun respetowan qhawajkunaj muyuyninkupi jaraykukuspa, jark'an.

Proverbios 22:23

Tata Dios wajchakunaman sayakonqa, kapuyninta qhechojkunamantataj Tata Dios kapuyninkuta qhechuspa, mana imayojta saqerparenqa.

San Mateo 23:14

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa warmisapaj tiyapuyninkuta oqokapunkichej. Chantá mana jina kasqaykichejta reparachikunaykichejpaj unay unayta Dioswan parlarikoj tukunkichej. Chayrayku qankuna aswan sinch'i ñak'ariywan jasut'isqa kankichej.