Éxodo 22:21 - DIOSPA QHELQACHISQ

²¹ 21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Qheshwa Biblia DC

²¹ Waj llajtayoj runastaqa ama ch'aukiyankichu, nitaj llakichinkichu, imaraykuchus qankunapis Egiptopi waj llajtayojllataj karqankichej.

DIOSPA QHELQACHISQAN DEUTEROCANONICAL

²¹ 21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Éxodo 22:21 Referans Kwoze

Deuteronomio 10:19

Chayrayku waj llajtayojkunata munakuychej, qankunapis Egiptopi waj llajtayoj jina kasqaykichejta yuyarikuspa.

Éxodo 23:9

Waj llajtayojta ama waqachinkichu, imajtinchus qanpis Egiptopi waj llajtayoj jina karqanki. Chayrayku runaj llajtanpi tiyakuy imachus kasqanta yachallanki.

Levítico 19:33

Qankunawan tiyakoj waj llajtayojtaqa ama ñak'arichinkichejchu.

Zacarías 7:10

Ama ñak'arichiychejchu warmisapakunata nitaj wajcha wawakunatapis, nitaj waj llajtayojkunata, nillataj pisi tiyapuyniyojtapis. Amallataj yuyallaychejpischu runa masiykichejpa contranpi mana allinta ruwayta, nispa.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Deuteronomio 23:7

7 (8) Edomitakunatarí ama chejnikunkichejchu, imaraykuchus paykunaqa aylluykichejraj kanku. Nillataj Egipto llajtayojkunatapis chejninkichejchu, imaraykuchus paykunaj llajtankupi waj llajtayoj jina tiyakorqankichej.

Levítico 25:35

Sichus mayqen llajta masiyki wajchayaspa, qanman jamusunkiman chayqa, waj llajtayojta jina yanapanayki tiyan, wasiykiman wajyarikuspa.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

Deuteronomio 1:16

Chaypachallataj juezniykichejkunata ajinata kamacherqani: Israelita masiykichejpa tukuy quejankuta uyariychej. Sapa ujpaj cheqan justiciata ruwaychej, jinallatataj waj llajtayojkunapajpis kikillantataj ruwaychej.

Deuteronomio 23:16

16 (17) Chay wata runata qankunawan kakojta saqellankichej, may llajtapichá tiyakuyta munanqa, chaypi. Amataj pipis payta llakichichunchu.

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.

Salmos 146:9

Tata Diosqa waj llajtayojkunata waqaychan. Payqa warmisapakunata, wajcha wawakunatapis qhawarin. Millayta ruwaspa purejkunaj yuyasqankutatajrí pantachin.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Deuteronomio 10:18

Payqa wajcha wawapaj, warmisapapajpis justiciata ruwan. Jinallataj waj llajtayojkunata munakuspa, p'achata, mikhunata ima paykunaman qon.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

Job 6:27

Qankunaqa wajcha runatapis venderpariwajchejsina. Qankunaqa kawsaqeykichejta p'ampaykunaykichejpaj t'oqotapis allawajchejsina.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.