Éxodo 20:20 - DIOSPA QHELQACHISQ

²⁰ Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Qheshwa Biblia DC

²⁰ Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

DIOSPA QHELQACHISQAN DEUTEROCANONICAL

²⁰ Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Éxodo 20:20 Referans Kwoze

Deuteronomio 13:3

3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa jatunta juchallerqankichej. Chaywanpis Tata Diosmanta ama t'aqakuychejchu, manachayqa tukuy sonqowan Tata Diosta yupaychaychej.

Isaías 8:13

Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Génesis 22:1

Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Proverbios 1:7

Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

Deuteronomio 4:10

Sinaí orqopi Diosniykichejpa ñawpaqenpi kashajtiykichej, Tata Dios niwarqa: Nisqayta uyarinankupaj israelitakunata tantay. Chantá kawsanankukama noqata manchachikuwaspa puriyta yachanqanku, jinallataj wawankutapis noqata manchachikuspa kawsayta yachachenqanku, nispa.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Génesis 20:11

Chantá Abraham kuticherqa: Noqa sonqoypi nerqani: Kay llajtapi Diosta mana may jatun respetowan qhawayta yachankuchu. Chayrayku warmiyta qhechunawankupaj wañuchiwankumanchari, nispa.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Deuteronomio 6:24

Chaymanta Tata Diosninchejqa tukuy kamachisqanta kasunanchejta, chantá payllata manchachikunanchejta kamachiwarqanchej, wiñaypaj allin rinawanchejpaj, kawsachinawanchejpaj ima imaynatachus kunankama kawsachishawanchej ajinata.

Isaías 41:13

Noqa paña makiykimanta jap'isoj Tata Diosniyki kani, niykitaj: Ama manchachikuychu, imaraykuchus noqa yanapasqayki, nispa.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.