Éxodo 20:14 - DIOSPA QHELQACHISQ

¹⁴ Ama warmiykita nitaj qosaykita wasanchankichu.

Qheshwa Biblia DC

¹⁴ Ama qhenchachakunkichu.

DIOSPA QHELQACHISQAN DEUTEROCANONICAL

¹⁴ Ama warmiykita nitaj qosaykita wasanchankichu.

Éxodo 20:14 Referans Kwoze

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Deuteronomio 5:18

Ama casarasqaykita wajwan wasanchaspa, khuchichakunkichu.

Romanos 13:9

Chay kamachisqaqa ajinata nin: Ama khuchichakuspa qhenchachakunkichu. Ama runata wañuchinkichu. Ama suwakunkichu. Amallataj wajpa kapuyninta munapayankichu, nispa. Chaywanpis chay kamachisqakuna jinataj waj kamachisqakunapis, Diospa kay kamachisqanta ruwaspa junt'anchej: Runa masiykita munakunki qan kikiykita jina, nisqa kamachisqata.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Levítico 18:20

Ama runa masiykej warminwan puñuykunkichu, ama chayrayku ch'ichichakunaykipaj.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

2 Samuel 11:27

Chay lutokusqan pasajtinñarí, David kamacherqa warmita kamachinan wasiman pusamunankuta, paywantaj casarakorqa. Chantá chay warmeqa uj qhari wawata paqarichikorqa. Tata Diospajrí Davidpa chay jina ruwasqanqa mana allinchu karqa.

San Mateo 19:18

Chantá chay runa taporqa: Mayqen kamachisqakunatataj junt'anay tiyanri? nispa. Jesustaj kuticherqa: Ama runata wañuchinkichu, ama khuchichakuspa qhenchachakunkichu, ama suwankichu, ama llulla testigomantapis sayankichu.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Santiago 2:11

Dios nerqa: Ama khuchichakunkichu, nispa, icharí? Payllataj nerqa: Ama runata wañuchinkichu, nispa. Kunanqa qhawariy: Qan amapis khuchichakuychu. Chaywanpis runata wañuchiwaj chayqa, Diospa kamachisqanta p'akinkiña.

Malaquías 2:15

Manachu Tata Diosqa warmiykita qantawan uj runa jinallaman tukuchisorqachej? Ukhuykichejwan espirituykichejwan ima Diospata kankichej. Chantá Dios imatataj munanri? Manachu munan mirayniykichej payllapaj t'aqasqa kanankutari? Chayrayku qankuna sonqoykichejta allinta qhawakuychej, wayna kashaspa casarakusqaykichej warmita ama wasanchanaykichejpaj.

Génesis 39:9

Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Números 5:12

Israelitakunata ajinata ninki: Ichapis uj warmi mana allinta purispa, qosanta wasanchanman,