Éxodo 20:13 - DIOSPA QHELQACHISQ

¹³ Ama runa masiykita wañuchinkichu.

Qheshwa Biblia DC

¹³ Ama wañuchinkichu.

DIOSPA QHELQACHISQAN DEUTEROCANONICAL

¹³ Ama runa masiykita wañuchinkichu.

Éxodo 20:13 Referans Kwoze

Romanos 13:9

Chay kamachisqaqa ajinata nin: Ama khuchichakuspa qhenchachakunkichu. Ama runata wañuchinkichu. Ama suwakunkichu. Amallataj wajpa kapuyninta munapayankichu, nispa. Chaywanpis chay kamachisqakuna jinataj waj kamachisqakunapis, Diospa kay kamachisqanta ruwaspa junt'anchej: Runa masiykita munakunki qan kikiykita jina, nisqa kamachisqata.

Deuteronomio 5:17

Ama runa masiykita wañuchinkichu.

Éxodo 21:14

Chaywanpis sichus pipis runa masinwan phiñakuspa, mana khuyarikuspataj, wañurparichinman chayqa, altarniy chaynejpipis pakakuchun, wañuchisqapuni kanan tiyan.

Santiago 2:11

Dios nerqa: Ama khuchichakunkichu, nispa, icharí? Payllataj nerqa: Ama runata wañuchinkichu, nispa. Kunanqa qhawariy: Qan amapis khuchichakuychu. Chaywanpis runata wañuchiwaj chayqa, Diospa kamachisqanta p'akinkiña.

San Mateo 19:18

Chantá chay runa taporqa: Mayqen kamachisqakunatataj junt'anay tiyanri? nispa. Jesustaj kuticherqa: Ama runata wañuchinkichu, ama khuchichakuspa qhenchachakunkichu, ama suwankichu, ama llulla testigomantapis sayankichu.

Levítico 24:21

Pichus uj runaj uywanta wañuchejqa kawsashaj uywata kutichipunan tiyan. Pichus uj runata wañuchejqa wañuchisqallataj kanqa.

Éxodo 21:20

Sichus mayqen patronpis qhari wata runanta, chayrí warmi wata runanta k'aspiwan wajtaspa wañuchinman chayqa, wata runanta wañuchisqanmanta jasut'isqa kanqa.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

1 Timoteo 1:9

Yachallanchejtaj Diospa kamachisqan mana cheqanta ruwajkunapajchu churasqa kasqanta. Manachayqa kay jinata ruwajkunapaj churasqa karqa: Kamachisqata mana uyarikuyta munajkunapaj, mana kasukojkunapaj, Dioswan churanakojkunapaj, juchasapakunapaj, pikunachus tatankuta, chayrí mamankuta wañuchejkunapaj, runa wañuchejkunapaj ima.

Isaías 26:21

Qhawaychej, Tata Diosqa tiyakunanmanta llojsimonqa, kay pachapi tiyakojkunata juchankumanta jasut'inanpaj. Chaypacha jallp'aqa manaña wañuchisqakunata pakanqachu, manachayqa patanpi yawar jich'asqankuta rikuchenqa. Manañataj wañuchisqa kajkunatapis pakayta atenqachu.

Gálatas 5:21

envidianakuy, machakuykuna, raymita ruwaspa millay kajta ruway, chantá waj jina mana allin kajta ruway ima. Imaynatachus ñawpajta nerqaykichejña, kunan ujtawan nillaykichejtaj: Chaykunata ruwajkunaqa Diospa kamachiyninman mana yaykonqankuchu, nispa.

Proverbios 1:18

Chay runakunarí tojllata paykunallapajtaj churakunku. Paykuna kikillankutaj wañuyman qaraykukunku.

Proverbios 1:11

Ichapis nisonqanku: Noqaykuwan jaku rinachej. Mana juchayojta wateqaspa, ni imallamanta payta wañuchisunchej.

Hechos 28:4

Chaypi tiyakojkunataj Pabloj makinpi katarita warkhurashayajta rikuspa, paykunapura ninakorqanku: Kay runaqa runa wañuchipunichá kanman. Qochapi wañunanmanta llusp'ejtinpis, justiciata ruwaj diosmin mana kawsajta saqenchu, nispa.

Jeremías 26:15

Jinapis kayta allinta yachaychej: Sichus wañuchiwankichej chayqa, qankuna, chantá kay llajtapi tiyakojkuna ima juchachasqa kankichej mana juchayojta wañuchisqaykichejrayku. Noqata Tata Diospuni kay tukuy imamanta sut'ita willanasuykichejpaj kachamuwarqa, nispa.

2 Crónicas 24:22

Zacariaspa tatan Joyadá khuyaj sonqowan payta qhawasqanmanta qonqayman churaspa, kuraj kamachej Joasqa Joyadáj churin Zacariastaqa wañuchicherqa. Zacariastajrí manaraj wañushaspa, qhaparerqa: Kay ruwasqaykitaqa Tata Dios rikumuchun, chaymantataj cuenta mañasuchun, nispa.

2 Reyes 21:16

Chay jawa Manasesqa mana juchayojkunamanta ashkhata wañuchicherqa, Jerusalenpi yawar mayu purinankama. Chayqa wajlla karqa, Tata Diospa ñawpaqenpi Judá suyumanta kajkunata imata ruwaspachus juchallicherqa, chaymanta nisqaqa.

Éxodo 21:29

Sichus chay waka wajrakojpuni, dueñontaj yachashaspa mana wisq'arqachu, sitajchus chay waka pitapis wajraspa wañuchinman chayqa, chay wakata rumiwan ch'anqaspa wañuchinkichej. Wakayojpis wañuchisqallataj kanqa.

Marcos 10:19

Chaywanpis tapuwasqaykiman kutichisqayki. Diospa kamachisqankunata qan yachanki: Ama runata wañuchinkichu, ama khuchichakuspa qhenchachakunkichu, ama suwakunkichu, ama pimantapis llullakuspa parlankichu, ama pitapis ch'awkiyankichu, chantá tataykita, mamaykitawan jatunpaj qhawanki, nispa.

San Lucas 18:20

Qan yachankiña Diospa kamachisqankunata: Ama khuchichakuspa qhenchachakunkichu, ama runa masiykita wañuchinkichu, ama suwakunkichu, ama runa masiykej contranta llullakuspa parlankichu. Chantá tataykita, mamaykitapis jatunpaj qhawanki, nispa.

Éxodo 21:12

Tata Dios nillarqataj: Sichus pipis runa masinta maqaspa wañuchin chayqa, paypis wañuchisqallataj kanqa.

Éxodo 23:7

Ama pitapis llullakuspa tumpankichu. Amallataj mana juchayoj runata wañuchichinkichu, imajtinchus pichus juchayojpa juchanta mana pampachasajchu.

Levítico 24:17

Pillapis runa masinta wañuchejqa wañuchisqallataj kanqa.

Hechos 16:28

Pablotajrí sinch'ita qhaparerqa: Ama imanakuychu, tukuyniyku kaypi kashayku, nispa.