Éxodo 19:9 - DIOSPA QHELQACHISQ

⁹ Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Qheshwa Biblia DC

⁹ Señortaj payman nerqa: Qhawariy, noqa jamusaj uj yanayarishaj phuyupi, qanwan parlasqayta israelitas uyarinankupaj, ajinamanta wiñaypaj parlasqaykita creenankupaj. Moisestaj ujtawan Señorman willarqa israelitas imastachus nerqanku chayta.

DIOSPA QHELQACHISQAN DEUTEROCANONICAL

⁹ Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Éxodo 19:9 Referans Kwoze

Deuteronomio 4:36

Payqa allin ñanman churasunaykichejpaj janaj pachamantapacha parlasqanta uyarichisorqachej. Kay pachapitaj mancharinapaj jina jatun nina lawrayninta rikuchisorqachej. Chay nina chawpimanta parlasqanta uyarerqankichej.

Éxodo 19:16

Minchhantin sut'iyamuyta lliuj lliujkuna, illapa ima karqa. Uj phuyutaj yanayarishaj orqoman tiyaykorqa. Pututu sinch'ita waqashajtintaj, israelitakunaqa manchachikuspa, kharkatiterqanku.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Salmos 97:2

Sinch'i yanayarishaj phuyu paypa muyuyninpi kashan, paytaj cheqa kajwan, justiciawan ima kamachin.

Éxodo 20:21

Israelitakuna karullapi kashanankukamarí, Moisés laqhayarishaj phuyuman qayllaykorqa, maypichus Dios kasharqa, chayman.

Éxodo 14:31

Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

Marcos 9:7

Chay jinallaman phuyu rikhurimuspa, paykunata p'ampaykorqa. Chay phuyu ukhumantataj Dios nimorqa: Kaymin munasqa Chureyqa. Paytamin uyariychej, nispa.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 7:9

Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

2 Crónicas 6:1

Chaypacha Salomonqa nerqa: Tata Diosníy, nerqanki laqhayaypi kawsasqaykita.

1 Reyes 8:12

Chantá Salomón nerqa: Qan, Tata Dios, nerqanki laqhayaypi tiyakusqaykita.

Éxodo 4:5

Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 34:5

Tata Diostaj phuyupi urayk'amuspa, Moiseswan karqa. Chantá Tata Diosqa paypa sutinta rejsicherqa.

Números 12:5

Chaymantataj Tata Diosqa phuyupi urayk'amuspa, Dioswan Tinkukuna Toldo punkupi sayarqa. Chantá Mariata, Aarontawan ima wajyarqa. Paykuna qayllaykojtinkutaj,

Salmos 99:7

Tata Diosqa phuyu ukhumanta paykunawan parlarqa, paykunataj nisqanta junt'arqanku, tukuy kamachisqantataj kasorqanku.

Deuteronomio 4:10

Sinaí orqopi Diosniykichejpa ñawpaqenpi kashajtiykichej, Tata Dios niwarqa: Nisqayta uyarinankupaj israelitakunata tantay. Chantá kawsanankukama noqata manchachikuwaspa puriyta yachanqanku, jinallataj wawankutapis noqata manchachikuspa kawsayta yachachenqanku, nispa.