Éxodo 19:4 - DIOSPA QHELQACHISQ

⁴ Qankunaqa Egipto llajtayojkunata imatachus ruwasqayta rikorqankichej. Rikullarqankichejtaj ankaj lijranpi jina, maypichus noqa kashani, kayman qankunata apamusqayta.

Qheshwa Biblia DC

⁴ Qankuna rikunkichej imastachus egipciosta ruwasqayta, imaynatatajchus apamorqaykichej maypichus tiyakushani chayman chayta, ankaspa lijrasnimpipis jamuwajchej karqa ajinata.

DIOSPA QHELQACHISQAN DEUTEROCANONICAL

⁴ Qankunaqa Egipto llajtayojkunata imatachus ruwasqayta rikorqankichej. Rikullarqankichejtaj ankaj lijranpi jina, maypichus noqa kashani, kayman qankunata apamusqayta.

Éxodo 19:4 Referans Kwoze

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Isaías 40:31

Tata Diospi atinikuspa suyakojkunarí watej mosoj kallpayoj kanqanku. Paykunaqa anka jina phawanqanku, t'ijurispapis mana sayk'onqankuchu, karuta purispapis, mana llawch'iyanqankuchu.

Apocalipsis 12:14

Chaywanpis Diosqa warmiman jatun ankaj lijranta qorqa, sierpemanta ayqespa ch'innejman phawananpaj. Chaypitaj pay kinsa wata khuskanniyojta qhawasqa karqa, sierpe ama imanananpaj.

Deuteronomio 29:2

2 (1) Chantá Moisés israelitakunata tantachispa, nerqa: Qankuna Egiptopi kashaspa, Tata Dios imatachus faraonta ruwasqanta rikorqankichej, jinallataj tukuy kamachinkunata, chantá jallp'anta ima imatachus ruwasqanta.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Hageo 2:5

Tata Dios nillantaj: Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu, nispa.

Malaquías 2:10

Manachu tukuyninchej uj tatayojlla kanchej? Manachu uj Dioslla tukuyninchejta ruwawarqanchej? Jina kajtin, imajtintaj ujkuna ujkuna q'otiyanakunchej, ajinamanta ñawpa tatanchejkunawan Diospa ruwasqan tratota p'akispari?

Deuteronomio 1:30

Tata Diosniykichej ñawpaqeykichejta rishan, paymin qankunarayku maqanakonqa, imaynatachus qankunarayku Egiptopi maqanakorqa, ajinata.

Deuteronomio 1:31

Chay jawa ch'innejpi, chantá ñanta jamushajtiykichej kayman chayamunaykichejkama rikorqankichej Tata Diosqa uj tata jina makinwan jap'ispa, qankunata pusamususqaykichejta, nispa.

Deuteronomio 29:1

1 (28.69) Tata Diosqa Horeb orqopi israelitakunawan tratota ruwasqanmanta qhepata, Moisesta kamacherqa Moab suyupi israelitakunawan ujtawan uj tratota ruwananta.

Josué 23:3

Qankunaqa Tata Diosniykichej qankunarayku kay llajtayojkunawan imatachus ruwasqanta rikorqankichej. Tata Diospuni qankunarayku maqanakorqa.

Oseas 11:1

Tata Dios nin: Maypachachus Israel aylluy wawallaraj karqa chaypacha, noqa payta munakorqani, jinataj Egipto suyumanta payta wajyarqani.