Éxodo 19:22 - DIOSPA QHELQACHISQ

²² Noqaman qayllaykamuwaj sacerdotekunapis llimphupaj qhawasqa kanankupaj llimphuchakuchunku, ama paykunata wañuchinaypaj, nispa.

Qheshwa Biblia DC

²² Jinallataj tukuy sacerdotespis llimphuchakuchunku noqawan tinkuyta munaspaqa. Mana jinata ruwaspalla jamuwanqanku chayqa, phirita ruwachikuwanqanku.

DIOSPA QHELQACHISQAN DEUTEROCANONICAL

²² Noqaman qayllaykamuwaj sacerdotekunapis llimphupaj qhawasqa kanankupaj llimphuchakuchunku, ama paykunata wañuchinaypaj, nispa.

Éxodo 19:22 Referans Kwoze

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

Hechos 5:10

Chaypachallataj Safiraqa Pedroj ñawpaqenpi wañusqa wijch'ukullarqataj. Chantá chay waynakuna yaykumuspa, Safirata wañusqataña tariparqanku. Ajinamanta paytapis apaspa, qosanpa qayllanman p'ampaykorqanku.

Hechos 5:5

Ananiasqa Pedroj nisqanta uyariytawan, pampaman wañusqa wijch'ukorqa. Chayta yachajkunataj maytapuni manchachikorqanku.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

2 Crónicas 30:15

Iskay kaj killapi chunka tawayoj kaj p'unchaypi Pascuapi ñak'ana corderota ñak'arqanku. Sacerdotekuna, levitakunapis mana llimphuchakusqankurayku mayta p'enqakorqanku, llimphuchakuytawantaj Tata Diospa Templonman uywakunata Diosman jaywaspa q'olachinankupaj aparqanku.

2 Crónicas 30:3

Chayta nisqanku, imaraykuchus tiemponpi Pascuataqa mana ruwayta atisqankuchu, sacerdotekunamanta manaraj llimphuchasqa kasqankurayku, nillataj tukuy israelitakunapis Jerusalenpi tantakusqankurajchu.

1 Crónicas 15:13

Ñawpaj kutipi qankuna arcata mana apamusqaykichejrayku Tata Diosqa noqanchejmanta ujninchejta wañurparicherqa. Tata Diosta mana tapurispalla, nisqanta mana junt'arqanchejchu, nispa.

Éxodo 19:5

Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 19:24

Tata Diostajrí Moisesta nerqa: Qan urayk'uy, chantá qan, Aaronwan ima kayman kutimunkichej. Sacerdotekunawan, runakunawanrí señalta pasaspa, noqa kashani, chayman ama wicharimuchunkuchu. Wicharimunkuman chayqa, noqa paykunata wañurachiyman, nispa.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Números 11:18

Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej.