Éxodo 18:4 - DIOSPA QHELQACHISQ

⁴ Ujnin churinpatataj “Eliezer” sutin karqa. Chayta suticharqa: Tataypa Diosnin yanapawan, faraón espadawan wañuchinawanmantataj jark'awan, nispa.

Qheshwa Biblia DC

⁴ Ujnimpatataj sutin karqa Eliezer, chayta suticharqa, “tataypa Diosnin yanapawan, faraompa espadanmantataj librawan,” nispa.

DIOSPA QHELQACHISQAN DEUTEROCANONICAL

⁴ Ujnin churinpatataj “Eliezer” sutin karqa. Chayta suticharqa: Tataypa Diosnin yanapawan, faraón espadawan wañuchinawanmantataj jark'awan, nispa.

Éxodo 18:4 Referans Kwoze

Hebreos 13:6

Ajinaqa tukuy sonqo niyta atinchej: Tukuyta Kamachej Diosqa yanapawajniy. Chayrayku mana manchachikusajchu, imatachus pipis ruwanawanmanta, nispa.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Hechos 12:11

Jinapi Pedroqa yuyayninman kutirispa, nerqa: Kunanqa yachani cheqatapuni Tukuyta Kamachej Jesusqa angelninta kachamusqanta Herodespa makinmanta kacharichinawanpaj, jinallataj judiokunaj millay ruwayta munasqankumantawan, nispa.

Daniel (hebreo) 6:22

22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Salmos 34:4

4 (5) Tata Diosta qhaparikorqani, paytaj uyariwarqa, jinataj tukuy manchachikusqaymanta pay librawarqa.

Salmos 18:48

48 (49) Awqaykunaj phiñakuyninkumantapis paymin qhespichiwan, jinataj contraypi oqharikojkunamanta aswan pataman churawan. Qanmin Tata Dios, maqanaku mask'aj runakunamanta qhespichiwanki.

Salmos 18:1

(2b) Qanmin Tata Dios, kallpachawajniy kanki, noqataj maytapuni munakuyki.

1 Crónicas 23:15

Moisespa churinkuna karqanku: Gersón, Eliezer ima.

Éxodo 2:15

Jinataj karqa. Faraonqa Moisés egipciota wañuchisqanta yachaytawan, payta wañuchichinanpaj mask'achimorqa. Moisestaj faraonmanta ayqekuspa, Madianman riporqa. Madianman chayaspataj, uj yaku pujyu kantupi tiyarikorqa.

Hechos 7:29

Moisestaj chayta uyarispa, Egiptomanta Madián cheqaman ayqerikaporqa. Chaypitaj waj llajtayoj jina tiyakuspa, casarakorqa jinataj iskay qhari wawayoj karqa.

Hebreos 11:34

Jinallataj paykunaqa manchay lawrashaj ninata thasnorqanku, espadawan wañuchisqa kanamanta llusp'erqanku. Pisi kallpayoj kaspapis, kallpasapaman tukorqanku. Jinallataj maqanakupi sinch'i atiyniyojman tukuspa, waj suyukunaj soldadonkunata ayqecherqanku.

Génesis 49:25

Tataykej Diosnin qanta yanapasuchun. Jinallataj Tukuy Atiyniyoj Dios saminchasuchun janajpa saminchayninkunawan, ukhu mama qochaj saminchayninwan ima. Qanmanta rikhurej warmikuna ashkha wawayoj kachunku.

Éxodo 2:22

Aswan qhepamantaj chay warmi uj wawata paqarichikorqa, Moisestaj wawanta “Gersón”, nispa suticharqa: Runaj llajtanpi kashani, nispa.

Éxodo 4:20

Chayrayku Moisés warminta, wawankunatawan ima burroman lloq'aykuchispa, Egiptoman kutirerqa. Jinallataj Diospa qosqan varatapis apallarqataj.

1 Crónicas 23:17

Eliezerpata kuraj kaj churintaj Rejabías karqa. Chaymanta manaña wawan karqachu. Rejabiaspata churinkunarí ashkha karqanku.

Éxodo 10:28

Chantapis faraonqa Moisesta nerqa: Llojsiy kaymanta, amaña ujtawan kutimuwaychu. Sichus ujtawan kutimuwanki chayqa, wañuchichisqayki, nispa.