Éxodo 18:21 - DIOSPA QHELQACHISQ

²¹ Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Qheshwa Biblia DC

²¹ Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

DIOSPA QHELQACHISQAN DEUTEROCANONICAL

²¹ Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Éxodo 18:21 Referans Kwoze

Hechos 6:3

Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

Ezequiel 18:8

Qolqeta mana interesniyojta mañan, nitaj ashkhata ganaytachu mask'an. Mana cheqan kaj ruwanamanta t'aqakun, runapura quejanakojtinkupis, cheqan justiciata ruwan.

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

Zacarías 8:16

Qankunaqa kayta ruwanallaykichejpuni tiyan: Ama ujkuna ujkuna llullanakuychejchu. Chantá justicia ruwana wasipi cheqan justiciata ruwaychej, allinpi kawsakuytataj mask'aychej.

Zacarías 7:9

Kaytamin noqa kamachini: Cheqan justiciata ruwaychej, jinataj ujkuna ujkunapaj khuyakuyniyoj, allin k'achataj kaychej.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Jeremías 5:1

Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Proverbios 28:2

Sichus uj suyupi mana allin kajta ruway tiyan chayqa, ashkha kamachejkuna rikhurinku. Yachayniyoj kamachej kamachejtinrí, suyoqa allinta purin.

Salmos 15:5

Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.

Job 31:13

Sichus kamachiykuna imatapis mañakuwaj kanku chayqa, mañakuwasqankuta qojpuni kani.

Job 29:16

Pisichikojkunaj tatanku karqani, waj llajtayojkunamanta kutikojninkutaj.

Nehemías 7:2

Chaymantataj wawqey Jananita Jerusalenpi kamachinanpaj churarqani. Jananiastataj kuraj kamachejpa wasinta qhawananpaj churarqani. Jananiasqa Diosta may respetowan qhawaj karqa, cheqan runataj.

Nehemías 5:9

Chantá noqa nillarqanitaj: Imatachus ruwashankichej, chayqa mana walejchu kashan. Qankunaqa Diosninchejta may jatun respetowan qhawanaykichej karqa, ajinamanta awqanchej mana asipayanawanchejpaj.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.

Éxodo 18:25

Israelitakuna ukhumanta sumaj yuyayniyojkunata ajllaspa, paykunata kurajkuna jina kamachinankupaj churarqa. Wakenqa waranqa runakunata, wakenqa pachajta, wakintaj phishqa chunkata, wakintaj chunkata kamachinanku karqa.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Hechos 20:33

Noqaqa mana pejpa qolqenta, qorinta, nitaj p'achanta munapayarqanichu.

Isaías 59:4

Mana pipis justiciata munajqa kanchu, nitaj pipis juezpa ñawpaqenpi llimphu sonqowan parlarinchu. Manachayqa qhasi manakajllapi atinikunku, llullata parlaspa. Millay kajllata ruwayta yuyaychakunku, chantataj juchallillankupuni.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.

Génesis 42:18

Kinsa p'unchaymantataj José paykunata nerqa: Noqaqa Diosta manchachikuni. Sichus kawsayta munankichej chayqa, kayta ruwaychej:

San Lucas 18:4

Jueztajrí unayta chay warmita mana uyariyta munasqachu. Chaymantaña sonqonpi yuyaychakuspa, nisqa: Noqaqa Diosta mana manchachikunichu, nitaj pitapis kasuta ruwanichu.

San Lucas 18:2

Paytaj nerqa: Uj llajtapi uj juez kasqa. Payqa Diosta mana manchachikojchu, nitaj pitapis kasuta ruwajchu.

Isaías 16:5

Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

1 Reyes 18:12

Noqa rejtiykamataj, Tata Diospa Espíritun mana yachasqay cheqaman pusasonqa. Noqa Ajabman willamojtiytaj, qanta mana taripasuspa, payqa wañuchiwanqa ari. Noqaqa juch'uymantapacha Tata Diosta kasuspa purikuni.

1 Reyes 18:3

Chantá Ajabqa mayordomon Abdiasta wajyarqa. Abdiasqa maytapuni Tata Diosta tukuy respetowan yupaychaj.

1 Samuel 8:12

Wakintaqa 1.000 soldadokunata kamachinankupaj, wakintataj phishqa chunkata kamachinankupaj churanqa. Wakintaqa jallp'anta llank'anankupaj churanqa. Chantá chajraj poqosqanta oqharinankupaj, jinallataj armakunata ruwanankupaj, carretankunapajpis tukuy imata ruwanankupaj churanqa.

Josué 22:14

Paywantaj israelitakunaj kurajninkukunamanta chunka rerqanku, sapa jatun ayllumanta ujkama.

Números 10:4

Sichus uj trompetalla waqanqa chayrí, sapa ayllumanta tukuy kurajkunalla ñawpaqeykiman tantakamonqanku.

Génesis 47:6

Egipto suyoqa makiykipi kashan. Tatayki, wawqeykikuna tiyakunankupaj aswan sumajnin kaj jallp'ata qoy. Gosenpi tiyakuchunku. Chantá sichus paykuna ukhupi aswan yuyayniyoj kasqankuta qhawanki chayqa, uywayta michinankupaj churanki, nispa.

Números 1:4

Yupanaykichejpajqa sapa ayllumanta uj kuraka yanapasonqachej. Chay kurakaqa uj wasi aylluta kamachej kanan tiyan.

Números 1:16

Chaykuna israelitakuna ukhumanta ajllasqa karqanku. Paykunaqa ñawpa tatankoj ayllunpi kurajkuna karqanku, jinallataj Israelpa jatun ayllunkunata kamachejkuna.

Deuteronomio 22:18

Chaymantataj kurajkunaqa chay qharita jap'ichispa, jasut'enqanku.

Esdras 7:25

Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Salmos 15:1

(1b) Tata Dios, pitaj wasiykipi tiyakuyta atinmanri? Pitaj ajllakusqayki orqoykipi kawsakuyta atinmanri?

Éxodo 17:9

Chantá Moisés Josueta nerqa: Qharikunamanta wakinta ajllaspa, amalecitakunawan maqanakoj riy. Noqataj q'aya orqo patapi kashasaj, Diospa qowasqan varata pataman oqharispa, nispa.

2 Samuel 18:1

Davidqa tukuy soldadonkunata tantaykuspa, waranqa waranqamanta, jinataj pachaj pachajmanta t'aqararqa, sapa t'aqamantaj kamachejkunata churarqa.