Éxodo 18:20 - DIOSPA QHELQACHISQ

²⁰ Diospa kamachisqanta, yachachisqantawan paykunaman yachachiy. Jinallataj imaynatachus kawsanankuta, chantá imatachus ruwanankutapis yachachillaytaj.

Qheshwa Biblia DC

²⁰ Yachachiy paykunaman Diospa kamachisqasninta yachachisqasnintawan, qan rikuchiy imaynatachus purinankuta, imastatajchus ruwanankutapis.

DIOSPA QHELQACHISQAN DEUTEROCANONICAL

²⁰ Diospa kamachisqanta, yachachisqantawan paykunaman yachachiy. Jinallataj imaynatachus kawsanankuta, chantá imatachus ruwanankutapis yachachillaytaj.

Éxodo 18:20 Referans Kwoze

Deuteronomio 5:1

Moisés tukuy israelitakunata tantaspa, nerqa: Israelitakuna, kamachisqakunata, yachachiykunata ima kunan willashaykichej, chaykunata uyariychej. Sumajta yachaqaychej, chaykunaman jinataj ruwaychej.

Salmos 143:8

Tutamanta mana tukukuyniyoj munakuyniykimanta uyarichiway, imaraykuchus qanllapi atinikuni. Maynintachus purinayta yachachiway, imaraykuchus tukuy sonqoywan qanllapi atinichikamuyki.

Deuteronomio 1:18

Chaypacha qankuna imatachus ruwanaykichejta sut'ita kamacherqaykichej.

Salmos 32:8

Tata Dios nin: Ñaweyqa qan qhawarisqalla kashan. Yuyaychasqayki, yachachisqaykitaj imaynatachus purinaykita.

Deuteronomio 4:5

Noqaqa Tata Diosniy kamachiwasqanman jina kamachisqanta, nisqantawan ima yachacherqaykichej, jap'inkichej chay jallp'api kasunaykichejpaj.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Miqueas 4:2

May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

Éxodo 18:16

Paykuna ukhupi ima jawa ch'ajwachinaku kajtin, noqaman jamuwanku. Ajinata jamunku pichus cheqanpi kasqanta, pitajchus juchayoj kasqanta noqa ninaypaj. Chantá Dios imatachus kamachisqanta, jinataj imatachus yachachisqanta ima noqa yachachini, nispa.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

Ezequiel 3:17

Runaj churin, noqa qanta Israel aylluta qhawanaykipaj soldadota jina churayki. Noqa imatachá nisqayki, chayta noqamanta paykunaman willanki, noqaj sutiypi k'amispa, reparachispataj.

Jeremías 42:3

Diosniyki Tata Diosmanta mañapuwayku, maymanchus rinaykuta rikuchinawaykupaj, imatatajchus ruwanaykuta ninawaykupaj, nispa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

Deuteronomio 7:11

Chayrayku kamachisqanta, yachachisqanta, chantá imatachus nisqanta ima kasuychej, kunan qankunaman chaykunata junt'anaykichejpaj qoykichej, chayta.

Marcos 13:34

Chayqa karu llajtaman ripoj runaman rijch'akun. Wasinta saqenanpaj, pay sapa kamachinman imachus ruwanankuta saqesqa. Punkuta qhawajtapis kutimunankama allinta qhawananta kamachisqa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Deuteronomio 5:27

Chayrayku aswan walej kanman qanlla Tata Diosninchejman qayllaspa, imatachus nisusqanta uyarinayki. Chantá imatachus nisusqanta willawayku, noqaykutaj niwasqaykuman jina junt'asqayku, nispa.