Éxodo 18:12 - DIOSPA QHELQACHISQ

¹² Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Qheshwa Biblia DC

¹² Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

DIOSPA QHELQACHISQAN DEUTEROCANONICAL

¹² Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 18:12 Referans Kwoze

Deuteronomio 12:7

Chayllapitaj Tata Diosniykichejpa ñawpaqenpi tukuy aylluykichejwan khuska mikhunkichej. Ajinata ruwankichej llank'aspa, imatachus tarisqaykichejmanta kusikuspa, imajtinchus Tata Diosniykichejmin yanapasunkichej.

Génesis 31:54

Chaymanta Jacobqa orqopi uj uywata ñak'aspa, Diosman q'olacherqa. Jinaspataj, tukuy ayllunta mikhunankupaj wajyarqa. Ajinata tukuyninku mikhorqanku, chay orqopitaj sut'iyanankama karqanku.

Éxodo 24:11

Diosqa israelitakunaj kurajninkunata mana imanarqachu. Paykunaqa Diosta rikorqanku, chantá mikhorqanku, ujyarqankutaj.

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

1 Corintios 10:31

Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.

1 Corintios 10:21

Qankuna mana atinkichejchu Tukuyta Kamachej Jesuspa copanmanta ujyashaspa, supaykunaj copanmantapis ujyayta. Nillataj atinkichejchu Tukuyta Kamachej Jesuspa Cenanmanta mikhuyta, supaykunaj mikhunanmantapis mikhuyta.

1 Corintios 10:18

Israelitakuna imatachus ruwanku, chaymanta unancharina: Paykuna Diosman uywa ñak'asqata altarpi jaywasqankumanta mikhuspa, Dioswan, chantá paykunapura ima ujchasqa kasqankuta rejsichinku.

San Lucas 14:15

Chayta uyarispataj, Jesuswan khuska mikhojkunamanta ujnin kaj Jesusta nerqa: Kusikuyniyojmin kanqa, Dios kamachishajtin pichus jatun mikhunaman wajyarisqa kaj, nispa.

San Lucas 14:1

Samarina p'unchaypi Jesús uj kuraj fariseoj wasinman mikhoj yaykorqa, wakin fariseokunataj payta wateqasharqanku.

Daniel (hebreo) 10:3

Mana sumaj mikhuyta nitaj aychatapis mikhorqanichu, nillataj vinotapis ujyarqanichu. Nillataj, kinsa semana junt'akunankama sumaj q'apashaj jawinawanpis jawikorqanichu.

Job 42:11

Chaymantataj tukuy wawqenkuna, panankuna, kawsaqenkuna, jinataj ñawpa rejsisqankunapis Jobta watukoj jamorqanku. Chantá wasinpi jatun mikhuyta mikhuspa, paywan kusikorqanku. Jinallataj paykunaqa Jobta sonqocharqanku tukuy ima ñak'ariyta Tata Dios apachimusqanmanta. Chantataj sapa ujninku qolqeta, chantá qorimanta anillota ima qorqanku.

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

2 Crónicas 30:22

Ezequiastaj levitakunata tukuy sonqowan Tata Diosta kamachinpi ruwajta rikuspa, sumajta parlaykuspa, sonqonkuta pataman oqharerqa. Qanchis p'unchay junt'ata ñawpa tatankoj Tata Diosninkuta yupaycharqanku, chantá ñak'asqa uywakunata jaywasqankumanta, allinyakuna jaywanamantawan mikhorqanku.

2 Samuel 9:7

Davidtaj nerqa: Ama manchachikuychu. Noqaqa cheqamanta tatayki Jonatanta munakusqayrayku qhawasqayki. Jinataj jatun tataykej Saulpa jallp'anta kutichipusunankuta kamachisaj, wasiypitaj sapa p'unchay mikhunki, nispa.

Deuteronomio 27:7

Chantá k'achata kawsakuy jaywanata jaywallankichejtaj. Chaypitaj Tata Diosniykichejpa ñawpaqenpi mikhunkichej, chantá kusikunkichej ima.

Éxodo 2:20

Jinapi Reuelqa ususinkunata nerqa: Maypitaj chay runa kashanri? Imaraykutaj saqerparinkichejri? Rispa, pusamuychej mikhunata jaywarinanchejpaj, nispa.

Génesis 43:25

Josejpa wawqenkunataj waqeta apasqankuta wakicherqanku, chawpi p'unchayta José chayamojtin, jaywanankupaj, imaraykuchus yacharqanku chaypi paykunawan mikhunanta.

Génesis 26:25

Chantá Isaac chaypi uj altarta ruwaspa, Tata Diosta yupaycharqa. Chantá chaynejpi toldonta sayacherqa, kamachinkunapis chaynejpi uj pujyutawan allallarqankutaj.

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Génesis 4:4

Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Éxodo 2:16

Chaypi tiyashajtin, Madianmanta sacerdote Reuelpa qanchis ususinkuna jamorqanku, yakuta bateaman orqhospa, tatankoj ovejankunata ujyachinankupaj.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 18:13

Q'ayantin Moisés israelitakuna ima jawa ch'ajwachinakusqankuta allinchananpaj tiyaykukorqa. Israelitakunaqa sut'iyaymanta ch'isiyanankama Moiseswan parlanankupaj jamorqanku.

Éxodo 20:24

Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Éxodo 33:7

Chantá Moisesqa uj toldota apaspa, jaramanta jawapi sayacherqa “Dioswan tantakuna toldo”, nispataj suticharqa. Pillapis Tata Diosta tapurikuyta munajqa jaramanta llojsispa, Dioswan tantakuna toldoman rej.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Génesis 26:30

Chantá Isaacqa jatun mikhunata wayk'ucherqa, tukuyninkutaj mikhorqanku, ujyarqankutaj.