Éxodo 18:11 - DIOSPA QHELQACHISQ

¹¹ Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Qheshwa Biblia DC

¹¹ Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

DIOSPA QHELQACHISQAN DEUTEROCANONICAL

¹¹ Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Éxodo 18:11 Referans Kwoze

Salmos 95:3

Tata Diosninchejqa may jina atiyniyoj Diosmin, paytaj tukuy dioskunamanta Kuraj Kamachejmin.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

2 Crónicas 2:5

5 (4) Templo ruwasqayqa jatunmin kanqa, imaraykuchus Diosniykoqa tukuy dioskunamanta aswan atiyniyojmin.

San Lucas 1:51

Makinwan Dios atiyninta rikuchin, ch'eqerachintaj runaykachajkunata, churanakojkunata ima.

Salmos 135:5

Noqa allinta yachani Tata Diosninchejqa may jatun kasqanta. Payqa tukuy dioskunamanta aswan jatunmin.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Salmos 97:9

Qanlla Tata Dios, tukuy kay pachaj patanpi kanki, tukuy dioskunamantapis aswan patapi.

1 Crónicas 16:25

Tata Diosqa may jatunmin, mayta yupaychanapaj jinapuni. Payqa tukuy dioskunamanta aswan manchachikunapaj jina.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

Salmos 119:21

Qanqa runaykachajkunata, millayta ruwaspa purejkunatapis k'aminki, kamachisqaykimanta t'aqakusqankurayku.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

Salmos 31:23

23 (24) Tata Diosta munakuychej, payta tukuy qhatejkuna. Tata Diosqa cheqan sonqoyojkunata waqaychan, wapuykachajkunamantajrí ruwasqankuman jina astawanraj qoponqa.

Nehemías 9:29

Qanqa paykunata k'amej kanki kamachisqaykita watej junt'anankupaj. Paykunatajrí may kasqankuta yuyakuspa, kamachisqaykita mana kasojchu kanku. Nisqaykita p'akej kanku, mayqentachus junt'aspa kawsayta tarinanku karqa, chayta. Paykunatajrí qanpa contraykita oqharikuspa, rumi sonqo kasqankurayku, mana uyarikorqankuchu.

Nehemías 9:16

Chaywanpis paykunawan, ñawpa tataykukunawan imaqa may machu machu, rumi sonqotaj karqanku, manataj kamachisqaykitaqa kasorqankuchu.

1 Reyes 17:24

Chantá chay warmeqa Eliasta nerqa: Kunanqa yachani qanqa cheqatapuni Diospa kamachiyninpi kasqaykita, parlasqaykipis Tata Diospa nisqan kasqanta, nispa.

1 Samuel 2:3

Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.

Éxodo 14:18

Maypachachus noqa faraonta, soldadonkunata, carretapi, caballopi ima purej soldadokunata atipaspa, atiyniyoj kasqayta rikuchisaj chaypachaqa, puchoj Egipto llajtayojkunapis yachallanqankutaj noqamin Tata Dios kasqayta, nispa.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 5:7

Kunanmantaqa israelitakuna adobenankupaj amaña ichhuta qonkichejchu, imaynatachus kunankama qosharqankichej, jinataqa. Manachayqa paykuna kikinku ichhuta pallakamuchunku.

Éxodo 5:2

Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Éxodo 1:16

Israelitakunaj warminkuna onqokushajtinku, allinta qhawankichej. Qhari wawa kajtenqa, wañuchinkichej. Warmi wawatatajrí kawsajta saqellankichej, nispa.

Éxodo 1:10

Chayrayku, imatachus ruwananchejta yuyaychakunanchej tiyan, amaña paykuna astawan miranankupaj. Mana jinata ruwasunman chayqa, imaynapi maqanaku kajtin, israelitakunaqa awqanchejkunaman k'askapuspa, contranchejpi sayaykuwasunman. Jinaspataj, suyunchejmanta ripunkuman, nispa.

Números 33:4

Chaykamataj Egipto llajtayojkunaqa Tata Dios tukuy kuraj kaj churinkuta wañurachisqanta p'ampasharqanku. Chayta ruwaspataj, Tata Dios Egipto llajtayojkunaj diosninkuta p'enqaypi rikhuricherqa.