Éxodo 18:10 - DIOSPA QHELQACHISQ

¹⁰ Chantá Jetro nerqa: Tata Dios jatunchasqa kachun, israelitakunata Egipto llajtayojkunaj makinkumanta, chantá faraonpa makinmantawan kacharichisqanmanta.

Qheshwa Biblia DC

¹⁰ Chantaqa nerqa: Señorqa jatunchasqa kachun, Señor qhechumusqasuykichejrayku egipciospa makinmanta, faraompa makinmantawan. Jatunchasqallataj kachun israelitastapis egipciospa makinmanta qhechumusqanrayku.

DIOSPA QHELQACHISQAN DEUTEROCANONICAL

¹⁰ Chantá Jetro nerqa: Tata Dios jatunchasqa kachun, israelitakunata Egipto llajtayojkunaj makinkumanta, chantá faraonpa makinmantawan kacharichisqanmanta.

Éxodo 18:10 Referans Kwoze

2 Samuel 18:28

Ajimazqa karullapiraj kashaspa, qhaparispa napaykorqa. Chantá kuraj kamachejpa ñawpaqenman chayaytawan, pampakama k'umuykuspa nerqa: Saminchasqa kachun Tata Diosniyki, qanpa contraykipi oqharikojkunata chinkachisqanrayku, nispa.

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

1 Tesalonicenses 3:9

Chayrayku qankunamanta, imaynatataj Diosta mana pachis niykumanchuri? Pachis niyku, imajtinchus qankunarayku Diospa ñawpaqenpi may jina jatun kusikuyniyoj kayku.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

1 Reyes 8:15

Paytaj nerqa: Jatunchasqa kachun Israelpa Tata Diosnin, pichus tatay Davidman parlasqanta kunan junt'an kay jina nisqanta:

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

1 Samuel 15:6

Chaynejmantapacha Saulqa quenitakunaman willachimorqa: Chay llajtamanta llojsiychej, ama qankunatapis paykunawan khuskata wañuchinaypaj. Israelitakuna Egiptomanta llojsimushajtinku, qankunaqa allinta paykunapaj ruwarqankichej, nispa. Quenitakunataj amalecitakunaj llajtankumanta riporqanku.

1 Samuel 25:32

Chantá Davidqa Abigailman kuticherqa: Israelpa Tata Diosnin yupaychasqa kachun, pay noqata taripanawaykipaj kachamususqanmanta.

1 Reyes 8:56

Tata Diosqa yupaychasqa kachun Moisesnejta nisqanman jina allin kawsayta Israel ayllunman qosqanmanta. Imatachus nisqanmanta mana ujpis mana junt'asqanqa kanchu.