Éxodo 16:4 - DIOSPA QHELQACHISQ

⁴ Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Qheshwa Biblia DC

⁴ Chaymanta Señorqa Moisesman nerqa: Noqa t'antata parachimusaj patamanta. Israelitasqa sapa paqarin jatariytawan pallakonqanku, mashkhatachus uj día mikhunanku chaypaj jinalla. Chaypi yachasaj piskunachus kamachisqasniyta kasuwanku, manachus chayta.

DIOSPA QHELQACHISQAN DEUTEROCANONICAL

⁴ Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Éxodo 16:4 Referans Kwoze

1 Corintios 10:3

Chantá tukuyninku Diospa qosqan mikhunata mikhorqanku.

Salmos 105:40

Mikhunata mañakojtinku, Diosqa yuthukunata paykunaman chayachimorqa, janaj pachamanta t'antawantaj paykunata sajsacherqa.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Éxodo 15:25

Chantá Moisesqa Tata Dios yanapananta mañakorqa. Tata Diostaj uj sach'ata Moisesman rikucherqa. Moisestaj chayta k'utuspa, yakuman wijch'uykorqa, yakutaj ujyanapaj jina tukorqa. Chay Mará cheqapi Tata Diosqa paykunaman kamachisqakunata qorqa, chayman jina kawsanankupaj, yachananpajtaj imaynachus sonqonku kasqanta.

Nehemías 9:15

Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

San Mateo 6:11

Sapa p'unchay imatachus mikhunaykuta qowayku, ari.

Proverbios 30:8

Ñawpajta, mana jayk'aj llullakunaypaj yanapaway. Qhepantarí ama qhapajyachiwaychu, nitaj wajchayachiwaychu. Sapa p'unchay kawsanaypaj imatachus necesitasqallayta qoway.

Nehemías 11:23

Chaytaqa kamachej kamachisqa, takejkunaqa sapa p'unchay mit'ankuman jina Diospa Templonpi takichinankupaj.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

San Lucas 11:3

Sapa p'unchay imatachus mikhunaykuta qowayku ari.

Éxodo 16:15

Chayta rikuspa, israelitakuna ujkuna ujkuna ninakorqanku: Imataj kayri? nispa, imaraykuchus mana yacharqankuchu imachus kasqanta. Chantá Moisés paykunata nerqa: Kay t'antatamin Tata Dios mikhunaykichejpaj qosunkichej.

Salmos 78:23

Chaywanpis, Diosqa phuyukunata kamacherqa, janaj pacha punkukunatataj kicharerqa.

Nehemías 9:20

Chay jawarí paykunata yachachinaykipaj, k'acha Espirituykita qorqanki. Manataj jayk'ajpis siminkumanta piserqachu janaj pachamanta apachimusqayki t'antaqa. Yakutapis ch'akiyninkuta thasnunankupaj qorqanki.