Éxodo 16:15 - DIOSPA QHELQACHISQ

¹⁵ Chayta rikuspa, israelitakuna ujkuna ujkuna ninakorqanku: Imataj kayri? nispa, imaraykuchus mana yacharqankuchu imachus kasqanta. Chantá Moisés paykunata nerqa: Kay t'antatamin Tata Dios mikhunaykichejpaj qosunkichej.

Qheshwa Biblia DC

¹⁵ Chayta rikuspa israelitasqa ninakorqanku ujkuna ujkunawan: Imataj kaykunari?, nispa, imaraykuchus mana yacharqankuchu imaschus kasqanta. Chaymanta Moisesqa paykunaman nerqa: Kayqa t'anta; chayta Señorqa qosunkichej mikhunaykichejpaj.

DIOSPA QHELQACHISQAN DEUTEROCANONICAL

¹⁵ Chayta rikuspa, israelitakuna ujkuna ujkuna ninakorqanku: Imataj kayri? nispa, imaraykuchus mana yacharqankuchu imachus kasqanta. Chantá Moisés paykunata nerqa: Kay t'antatamin Tata Dios mikhunaykichejpaj qosunkichej.

Éxodo 16:15 Referans Kwoze

Éxodo 16:4

Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.

Éxodo 16:31

Pallakusqankuta israelitakunaqa “maná”, nispa suticharqanku. Pallakoj kanku chayqa, culantro mujuman rijch'akoj karqa, yurajsitu, misk'itaj. Q'apaynintaj abeja misk'iyoj t'antapis kanman jina karqa.

Deuteronomio 8:3

Tata Diosqa ñak'arichisorqachej, yarqhachisorqachej chaypis, maná nisqata mikhuchisorqachej. Chay mikhunata qankuna, jinataj ñawpa tataykichejkunapis mana rejserqankichejchu. Tata Dios ajinata ruwaspa, yachanaykichejta munarqa, runaqa mana mikhunallawanchu kawsasqanta, aswanpis Tata Diospa tukuy nisqanwan kawsasqanta.

1 Corintios 10:3

Chantá tukuyninku Diospa qosqan mikhunata mikhorqanku.

Nehemías 9:20

Chay jawarí paykunata yachachinaykipaj, k'acha Espirituykita qorqanki. Manataj jayk'ajpis siminkumanta piserqachu janaj pachamanta apachimusqayki t'antaqa. Yakutapis ch'akiyninkuta thasnunankupaj qorqanki.

Nehemías 9:15

Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Josué 5:12

Chaymantapacha Maná nisqa manaña karqachu. Israelitakunaqa Canaán suyupi poqojllataña chay watapi mikhorqanku.

San Juan 6:49

Ñawpa tataykichejkuna maná nisqa t'antata ch'innejta jamushaspa mikhorqanku. Chaywanpis aswan qhepaman wañorqankupuni.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Éxodo 16:33

Chantá Moisés Aaronta nerqa: Iskay kilo yaykoj mankaman chay “maná” nisqata churay. Chaytataj Tata Diospa ñawpaqenman churanki. Ajinamanta wawanchejkuna maná nisqa t'antata rejsinankupaj waqaychasqa kanqa, nispa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Hebreos 9:4

Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

San Lucas 12:30

Diosman mana kutirikojkuna chay tukuy imata astawan mask'anku. Tataykichejrí yachanña imatachus pisichikusqaykichejta.

Proverbios 9:5

Jamuspa, mikhunaymanta mikhuychej, wakichisqay vinotapis ujyallaychejtaj.

Salmos 78:24

Ayllunman maná nisqata paracherqa, jinataj janaj pacha mikhunata qorqa.

Salmos 105:40

Mikhunata mañakojtinku, Diosqa yuthukunata paykunaman chayachimorqa, janaj pachamanta t'antawantaj paykunata sajsacherqa.