Éxodo 15:8 - DIOSPA QHELQACHISQ

⁸ Mama qochata kallpawan phukuspa, yakuta iskayman t'aqarqanki. Yaku oqharikusqanpis perqa jina sayarqa. Mama qochaj sonqonpi yakupis tikayarparerqa.

Qheshwa Biblia DC

⁸ May phiñakuywan phukuspa yakusta k'uchuncharparinki; yaku ukhoqa wayq'o jina purajman khallarparikun. Yanayarishaj mar qochaj sonqon tikayarparin.

DIOSPA QHELQACHISQAN DEUTEROCANONICAL

⁸ Mama qochata kallpawan phukuspa, yakuta iskayman t'aqarqanki. Yaku oqharikusqanpis perqa jina sayarqa. Mama qochaj sonqonpi yakupis tikayarparerqa.

Éxodo 15:8 Referans Kwoze

Job 4:9

Diosqa chay jina runata samaynillanwan wañuchin, sinch'i phiñakuyninwantaj ujkama tukuchin.

Salmos 78:13

Mama qochata iskayman khallarqa, perqata jina yakuta sayachispa, chaynintataj paykunata chimpacherqa.

2 Tesalonicenses 2:8

Chaymanta qhepata millayta ruwaj runa rikhurimonqa. Tukuyta Kamachej Jesustajrí siminpa samayninwan payta wañuchenqa, jatun kayninpa k'anchayninwan kutimuspataj, chay runaj atiyninta chinkarparichenqa.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

2 Samuel 22:16

Tata Diosníy, k'amisqaykiwan mama qochaj ukhun rikhurerqa. Sinch'i samayniykiwantaj kay pachaj cimientonkunapis rikhurillarqataj.

Isaías 37:7

Noqa paypa sonqonta mancharichisaj, uj willayta uyarispataj suyunman kutiponqa. Chantataj chaypi espadawan payta wañuchichisaj, nispa.

Éxodo 14:29

Israelitakunarí mama qochata ch'aki jallp'api chimpasqanku, yakutaj pañankupi, lloq'enkupitaj perqa jina sayarqa.

Josué 3:13

Tukuy kay pachata kamachej Tata Diospa arcanta apashaj sacerdotekuna Jordán mayupi yakuman saruykojtinkukama, yakoqa iskayman t'aqakonqa. Patamanta jamoj yakoqa qochayaspa jina kikinpi sayanqa, nispa.

Salmos 33:7

Payqa mama qochapi yakuta uj cheqallaman tantaykorqa, mama qocha ukhutapis uj cheqaman waqaycharqa.

Habacuc 3:15

Caballoykikunawan mama qochanejta purinki, chay phosoqeyashaj chhika jatuchaj qochanejta.

Josué 3:16

patanejmanta jamoj yakoqa kikinpi sayarqa, Adán nisqa llajtamanta Saretán nisqa llajtakama. Uraman p'itikoj yakutaj tukukunankama Wañusqa Qochaman urayk'orqa. Ajinata yakoqa mayupi iskayman t'aqarpayakorqa, israelitakunataj Jericó llajtanejman chayninta chimparqanku.