Éxodo 15:6 - DIOSPA QHELQACHISQ

⁶ Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Qheshwa Biblia DC

⁶ Señor, paña makiykeqa may kallpasapa, atiyniyojtaj. Chay paña makiyki enemigota phirita ruwan.

DIOSPA QHELQACHISQAN DEUTEROCANONICAL

⁶ Tata Diosníy, paña makiykeqa kallpasapa, may atiyniyojtaj. Paña makiyki awqata phiriykorqa.

Éxodo 15:6 Referans Kwoze

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Apocalipsis 2:27

imaynatachus Tatay noqamanpis kamachinaypaj atiyta qowarqa, ajinata. Paykunataj fierro varawan suyukunata kamachenqanku, t'uru mankata jinataj phiriranqanku.

Salmos 60:5

5 (7) Munakusqaykikuna kacharichisqa kanaykupaj atiyniykiwan qhespichiwayku, ajinata munasqa aylluyki ayqenaykupaj.

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Jeremías 13:14

Chantá paykunata ch'allpaspa, p'uñuta jina phirirasaj, tatakunata wawankutawan khuskata. Paykunamanta mana khuyakuspa, ni uj puchuyojta tukuchisaj. Ajinata Tata Dios nini.

Salmos 98:1

(1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

Salmos 77:10

10 (11) Chantá sonqoypi nerqani: Patapi Kaj Diosqa manaña noqanchejwan unay karqa jinañachu, nispa. Chaypi yuyajtiytaj, sonqoy nanawan.

Salmos 74:11

Imaraykutaj atiyniyoj makiykita pakaykunkiri? Imajtintaj mana imatapis ruwankichuri?

Salmos 44:3

3 (4) Tataykukunaqa manamin kallpankuwanchu jallp'ata jap'ikaporqanku, nitaj espadankuwanchu chaypi tiyakojkunata atiparqanku. Manachayqa atiyniyki, kallpayki, paykunawan kasqaykej k'anchaynin ima paykunata atipayta yanaparqa, qan paykunata munakusqaykirayku.

Salmos 17:7

Qanqa awqankumanta kacharichinki, pikunachus atiyniykipi pakakunku, chaykunata. Chayrayku munakuyniyki imaynapunichus kasqanta rikuchiway.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Isaías 30:14

Qankuna t'unasqa k'analla jina kankichej. Chay jinatapuni kallpawan phirisqa kasqanrayku, mana uj chhikan k'anallallapis qhepakunchu, q'onchamanta ninata orqhonallapajpis, nitaj yakuta wisinallapajpis, nispa.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 15:12

Paña makiykita oqharejtiyki, jallp'a awqaykuta oqoykorqa.

Éxodo 15:16

Paykunaj patankuman kharkatitiy, manchachikuy ima urmachun. May jina atiyniykiwan rumi jina titipacha kachunku, Israel aylluyki pasanankama, orqhokapusqayki ayllu chimpanankama.

Éxodo 18:8

Chantá Moisés suegronman willarqa Tata Dios israelitakunata munakusqanrayku imatachus ruwasqanta. Jinallataj willarqa imaynatachus faraonta, jinataj Egipto llajtayojkunatapis jasut'ispa ñak'arichisqanta, chantá ñanta jamushaspa imakunatachus israelitakuna muchusqankuta. Willallarqataj imaynatachus paykunata Tata Dios waqaychasqanta ima.

1 Samuel 2:10

Tata Diosqa awqankunata phirenqa. Janaj pachamantapacha paykunaj patankuman qhon qhonkunata kachaykamonqa. Tata Dioslla tukuy kay pachata juzganqa. Paypis kuraj kamachejninta kallpachanqa, ajllakusqantataj aswan atiyniyojta ruwanqa, nispa.

Salmos 24:8

Pitaj chay jina atiyniyoj Kuraj Kamachejri? Payqa wapu, sinch'i kallpayoj kaj Tata Dios, maqanakupaj wapu kaj Tata Dios.

Salmos 44:4

4 (5) Qanmin Diosníy, Kuraj Kamachejniy kanki. Qanmin Jacobpa ayllunta atipanankupaj yanaparqanki.

Salmos 89:14

14 (15) Kamachinayki tiyanaqa justicia patapi, cheqan kaj patapi ima sayachisqa. Munakuywan, cheqa kajwantaj ñawpaqeykita rinku.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.