Éxodo 15:20 - DIOSPA QHELQACHISQ

²⁰ Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj.

Qheshwa Biblia DC

²⁰ Aarompa panan María profetiza tamborsitota oqharikuspa llojserqa, qhepantataj tukuy warmis panderas oqharisqas tususpa llojsillarqankutaj, tocarispa.

DIOSPA QHELQACHISQAN DEUTEROCANONICAL

²⁰ Chantá Aaronpa panan María, Diosmanta sut'inchaj kasqanrayku, uj panderata oqharikuspa, tusoj llojserqa. Qhepantataj warmikuna pandera oqharisqa, tusurispa ima llojsillarqankutaj.

Éxodo 15:20 Referans Kwoze

Salmos 150:4

Panderata tocaspa, chantá tususpa ima payta yupaychaychej. Qenawan, guitarrawanpis payta jatunchaychej.

1 Samuel 18:6

David jatunkaray filisteota wañuchisqanmanta qhepata soldadokuna kutimpushajtinku, tukuy llajtamanta warmikuna kuraj kamachej Saulta taripaj llojserqanku, kusiymanta takispa, tususpa, tukuy imaymana tocanakunata tocarispa ima.

Salmos 68:25

25 (26) Takejkunaqa ñawpajta rinku, tocajkunataj qhepanta, chawpintataj sipaskuna panderakunata tocarispa rillankutaj.

Jueces 11:34

Maypachachus Jefté Mispapi wasinman kutiporqa chaypacha, uj k'ata ususin taripaj llojsimorqa panderetata tocarispa, tusurikuspataj. Pay k'ata wawanlla karqa.

Números 26:59

Amiranqa Levíj ususin Jocabedwan casarasqa. Jocabed ususenqa Leví, Egiptopi kashajtillanraj paqarisqa. Amiranwan, Jocabedwan imaqa Aaronpata, Moisespata, chantá Mariajtawan tatanku karqa.

Miqueas 6:4

Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

Salmos 149:3

Tususpa, sutinta jatunchanachej. Arpawan, panderetawan ima Tata Diosman takinachej.

Jueces 4:4

Chaypacha israelitakuna ukhupi uj warmi juez jina kamachisharqa. Pay Débora sutiyoj karqa, Lapidotpa warmin, chantá Diosmanta sut'inchaj.

San Lucas 2:36

Templo chaynejpi kashallarqataj Aser jatun ayllumanta Fanuelpa ususin Ana, paytaj Diosmanta sut'inchaj karqa, payañataj. Sipaspacha casarakuspa, qanchis watallata qosanwan tiyakusqa.

Salmos 81:2

2 (3) Panderowan takiychej, arpawan, salterioj misk'i waqasqanwan ima.

2 Reyes 22:14

Chantá sacerdote Hilcías Ajicanwan, Acborwan, Safanwan, Asaiaswan ima Diospa sut'inchajnin Julda sutiyoj warmita watukoj rerqanku. Payqa Salunpata warmin karqa, Saluntaj Ticvaj churin karqa, Jarjaspa allchhintaj. Jarjasqa Diospa Templonpi sacerdotekuna churakunanku p'achata jallch'ananpaj churasqa karqa. Juldaqa Jerusalenpi mosoj wasikuna tiyan, chaynejpi tiyakorqa. Chantá paywan parlarqanku.

Éxodo 2:4

Chaywanpis wawaj panan karunejllamanta qhawasharqa, wawawan imachus kananta yachananpaj.

Hechos 21:9

Felipetaj tawa sipas ususiyoj karqa, paykunataj Diospa simi nisqanta sut'inchajkuna karqanku.

Salmos 68:11

11 (12) Tukuyta Kamachej Dios ujta parlarqa, ashkha warmitaj chay sumaj willaykunata willarqanku:

Salmos 30:11

11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

2 Samuel 6:14

Davidqa linomanta unku p'achawan p'achallisqa risharqa, Tata Diospa ñawpaqenpi tukuy kallpanwan tusurispa.

1 Samuel 10:5

Chaymantaqa Gabaapi Diospa orqon nisqaman chayanki, maypichus filisteokunajta soldadonkuna kashanku, chayman. Llajtaman yaykushaspataj, Diosmanta sut'inchajkunamanta uj t'aqawan tinkukunki. Paykunataj Diosmanta sut'inchaspa, orqopi Diosta yupaychana cheqamanta urayk'amushanqanku. Paykunaj ñawpaqenkutataj runakuna rishanqanku tamborankuta tocaspa, chantá panderetakunata, qenakunata, arpakunata ima tocaspa.

Jueces 21:21

Sumajtataj qhawankichej. Silomanta sipaskuna pandillakunapi llojsimojtinku, qankunapis uva huertamanta rikhuriykuspa, sapa ujniykichej uj sipastakama jap'iytawan, llajtaykichejman apakapunkichej.

Números 20:1

Wata qallariy killapi israelitakunaqa Zin ch'innejman chayarqanku Cadespitaj jarakorqanku. Chaypi María wañuporqa, chay kikinpitaj payta p'amparqanku.

1 Corintios 11:5

Ajinallataj warmipis mana uman suk'umpasqa Dioswan parlarikunman, chayrí Diospa simi nisqanta sut'inchanman chayqa, qosanta mana respetowanchu qhawashan. Mana umanta suk'umpakuspaqa, chujchantapis raphachikunman jina kanman.

2 Samuel 6:16

Tata Diospa arcan Davidpa llajtanman chayajtin, Saulpa ususin Micalqa wasi ventananmanta qhawarimuspa, kuraj kamachej Davidta tusushajta, phinkiykachashajtataj Tata Diospa ñawpaqenpi rikorqa. Chayta rikuspataj, Micalqa sonqonpi Davidta pisipaj qhawarqa.

2 Samuel 6:5

Chaykama Davidwan, tukuy israelitakunawanqa risharqanku, Tata Diospa ñawpaqenpi tukuy kallpankuwan takispa, tususpa ima. Tocasharqankutaj arpakunata, lirakunata, panderetakunata, qenakunata, platillokunata ima.

1 Corintios 14:34

warmikunaqa tantakuypi ch'inlla kachunku. Paykuna mana parlanankuchu tiyan, aswanpis kasukoj sonqo kananku tiyan, imaynatachus Moisespa kamachisqanpi nin, ajinata.

Números 12:1

Uj kuti Mariawan, Aaronwan ima Moisespa contranta rimarqanku, Etiopía llajtayoj warmiwan casarakusqanrayku.

Génesis 31:27

Imaraykutaj ch'inllamanta ayqemunkiri? Ripunaykita yachaspaqa kusisqa, takiykunawan, tamborawan, arpawan ima kacharpayaykiman karqa.

2 Samuel 1:20

Chaytaqa ama willaychejchu Gat llajtapi, nillataj willaraychejchu Ascalón llajtapipis, ama chay filistea warmikuna kusikunankupaj, nitaj lantikunata qhatejkunaj ususinku kusiywan tusunankupaj.

1 Crónicas 6:3

3 (5.29) Amiranpa churinkunarí karqanku: Aarón, Moisés, María ima. Aaronpa churinkunataj karqanku: Nadab, Abiú, Eleazar, Itamar ima.

1 Crónicas 15:16

Jinallataj Davidqa levitakunaj kamachejninkukunata kamachillarqataj, ayllunkumanta takejkunata, chantá salteriota, arpata, platillokunata tocayta yachajkunata ima churanankuta, kusikuywan tocaspa takinankupaj.

Eclesiastés 3:4

Uj tiempoqa waqanapaj tiyan, uj tiempotaj asinapaj. Uj tiempoqa llakikunapaj tiyan, uj tiempotaj kusikunapaj.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Números 12:2

Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

Nehemías 6:14

Jinapi Diosmanta kay jinata mañakorqani: Diosníy, yuyarikuy ari Sambalatwan, Tobiaswan imatachus ruwasqankumanta. Amallataj qonqapuychu sut'inchaj Noadiasmanta, nillataj waj sut'inchajkunamanta, pikunachus manchachiwayta munarqanku, chaykunamanta, nispa.

Salmos 68:26

26 (27) Tukuyniykichej Diosta yupaychaychej. Jinallataj tukuy Israelmanta tantakojkuna Tata Diosta yupaychaychej.